港人直擊日本譚仔三哥打蛇餅 嘆重演當年遊客排一蘭場面
日本譚仔三哥早前在新宿開分店，於首日人潮不絕，以為都只是「新屎坑三日香」，豈料近日社交平台Facebook群組「香港/日本 拉麵 關注組 / 分享群」一帖文中，有港人指看到新宿分店門口大排長龍，在譚仔三哥揚威日本下，港人笑言「我終於明以前日本人見到香港人排一蘭嘅感覺」，直言完全不明白為何會有人等候多時就是為了一碗米線。
網民：啲人係咪無嘢好食
譚仔三哥一向以「平、靚、正」三大原則，打入香港速食市場，有人讚自然有人彈，不少港人都稱三哥為窮人恩物的「劣食」，與「美食」兩字相距甚遠，稱「講真，譚仔啲嘢真係奇怪，我𡃁仔屋企窮嘅時候食嘅嘢，而家就個個話好食，究竟係真係未食過而當好嘢，定係啲人無嘢好食？」
網民憑一線索判斷排隊非當地人：只有香港人會咁著！
遊日港人眾多下，不少網民質疑相片中排隊的並非日本人，而是香港人。網民憑藉照片上排隊人士的衣著，判斷排隊的食客跟港人的衣著打扮無異，「好少日本人會著波鞋揹背囊出街，除咗中小學生」、「又唔出奇，有香港人喺日本居留生活，間中都會想食番香港劣食」、「真係好難理解香港人喺香港食唔夠，去到日本都要特登排係咩心態」。
港人反嘲：咁多年之後，你香港人咪又係排壽司郎排死
港人眼見日本譚仔三哥大排長龍感身同感受，但有網民反嘲香港人壓根底兒根本沒改變，排隊的興趣比任何一個地方更濃厚。「你話日本人排三哥，你哋咪又係日日晨早去等壽司郎開門」、「 壽司郎喺日本人眼中都只係價錢取勝，質素並未能登上排行榜，但嚟到香港就見到一大堆人死等爛等」、「當年一蘭，今年壽司郎，就連間黃埔早餐店都排死」、「論排隊，日本人唔夠香港人啦」。
