作為鐵道迷、龍友兼萌系動物控的記者知道要去日本東北，行程無慮鎖定 秋田內陸線 的絕景小火車！ 呢條被龍友視為最多雪國靚景鐵道，最近新增秋田犬主題列車，唔止鐵道迷要來朝聖，就連動畫迷都話新海誠套《你的名字》，女主角三葉都是在「前田南」坐火車(取材場景)。坐一程呢條 秋田內陸線 已滿足咗我坐火車、絕景打龍、睇秋田犬的慾望。
龍友要買︰¥2,000假期無限坐
一心去比立內和奥阿仁之間的比立內橋打龍，留意番 秋田內陸線 的時刻表，班次疏到一個鐘都冇一班！ 今次時間唔多，早就打定主意只坐角館至阿仁合的來回路段。早早在角館上車，唔算多人，one-man car火車得一卡，車長一腳踢，冇劃位隨便坐。
大風雪冰封 打龍要睇天氣
深明龍友心急，車長每次快到打龍熱點的鐵橋，就會開咪提醒兼慢駛，讓大家能拍個夠。點知我去當日刮起大風雪，在比立內落咗車，但105國道的積雪深到行唔到去打龍位，冇信心在零下氣溫，等到班次疏到成粒鐘先有的對頭車，流住兩行眼淚和鼻涕，飲恨放棄，最後我剩係透過個車窗，影到冇火車行過的大又川橋！
秋田內陸縦貫鉄道 ( 秋田內陸線 )
72小時 秋田雪見行程懶人包
Day 1 乘新幹線前往秋田，到田澤湖看風景，到乳頭溫泉妙乃湯泡湯。
田澤湖
妙乃湯
地址︰秋田県仙北市田沢湖生保内字駒ヶ岳2-1
電話︰+81-(0)187-46-2740
房價︰一泊二食，二人一室 ¥13,068/HK$915起
交通︰可於「田沢湖」駅乘巴士至「妙乃湯前」站下車，車資 ¥820，車程45分鐘
Day 3 搭乘 秋田內陸線 打龍，到森吉山阿仁滑雪場看冬日絕景樹冰(2017年樹冰觀賞時期由即日至3月5日)。
森吉山阿仁滑雪場
地址：秋田県阿仁鍵ノ滝79-5
纜車票價及運行時間：8:30am-4:00pm，成人單程¥1,200/HK$84、來回¥1,800/HK$126
交通：秋田內陸線「阿仁合」站轉乘預約周遊計程車，車資每位¥1,100/HK$77（兩人以上每位¥900/HK$63)
網址：www.aniski.jp
