去日本點忍到手唔行街買嘢呀？每次臨走嗰日都想爭取時間買盡佢，用埋啲 yen 之餘，仲要買手信畀啲親朋戚友吖嘛。今次為大家介紹 福岡shopping 必買手信推介，血拼到最後！
圖片來源：新傳媒資料庫
1.福岡天神站 岩田屋本店
位於福岡天神站附近，入面有好多名牌，例如 Dior 同 Hermes 等，鍾意名牌一定可以行半日。另外，地下 2 樓嘅「蜂楽饅頭」係當地人極力推薦嘅小食之一，去開可以順便食埋！
至抵小貼士：依家去岩田屋本店使用 Visa 卡購買免稅商品消費滿 50,000円(不含稅)，即可獲贈價值 1,000円的三越伊勢丹集團禮券！
2.福岡機場掃 KUMAMON 手信
到福岡機場先發現買唔夠手信？又或者離上機仲有一段空閒時間？呢個時候就要清楚知道福岡機場嘅「購物區」喺邊度！首先，過關前已有 A 區嘅 ANA FESTA 同 B 區嘅 BLUE SKY。兩區都有各種福岡名產手信可供選購，款式類型差不多，只係 A 區仲有明太子專區同藥店 MAKINO DRUG。
3. 必敗一蘭拉麵 長崎蜂蜜蛋糕
而 B 區最特別嘅就係有 KUMAMON 嘅造型精品可供選購，另外仲有博多名物一蘭拉麵嘅 1 人份及 3 人份包裝賣。
當過關後，大部分都係免稅商店，分別有一出海關就見到嘅 C、D 區，以及喺 gate 旁嘅 E 區。C 區必買嘅有福砂屋嘅長崎蜂蜜蛋糕，甚至連之前紅透東京嘅手信名物東京 ばな奈ワールド 都有得買呢！ D 區就係各大精品名牌嘅集結地，入面商品大多都係免稅的，尤其酒類都係免稅，比起市面上買都慳唔少。當然，閘口旁都有 E 區嘅小型商店，咁近閘口，行下行下，分分鐘錯過上機時間呀！
4. 福岡機場限定 士多啤梨手信
福岡機場嘅「福岡機場限定」必買手信之選，當然係士多啤梨味嘅雞蛋糕，加上博多盛產嘅士多啤梨更有特色，有大有小，任君選擇。另外，仲有博多之女嘅小年輪蛋糕、博多まろん同明太子味產品都係大家鍾意買嘅福岡限定手信。
