作為職業旅人，相信大家部電話都download咗唔少機票、酒店、住宿、租車格價apps，最近我Travel佳發現有旅行社新推出咗專為 自由行 而設嘅app，一次過可以做齊晒以上提及嘅功能，就連交通券、電話卡、熱門演唱會門票、各類活動體驗都可以喺app內直接購買，真係夠晒全面同實用，以後去旅行plan行程就方便得多喇！
嚟緊7月又到日本折扣月，我Travel佳就打算嚟個4日3夜東京快閃遊，有得買有得食之餘，順便玩埋兩大樂園（迪士尼同富士急）。今次我就用EGL app買東京機票同酒店，點解？因為買來回機票有得減$120，訂酒店一樣有優惠，每房每晚減$120，加加埋埋都唔少錢～依家就同大家分享我個快閃行程，同埋用EGL全新自由行app嘅小心得。
Day 1： 新宿怒食怒買
第1日到埗唔想太舟車勞頓，所以集中喺市區行街，單係新宿都已經有排行！呢一帶有超多食肆同商戶，又有地下街，如果要行晒嘅話，真係需要整日時間。為咗方便將戰利品帶返酒店，我選擇咗新宿站附近住宿，大家用app揀酒店時，都可以善用過濾功能，按照價錢、級別、地區，甚至因應指定地標嘅距離去篩選出最合適嘅住宿。除咗酒店基本資訊同設備簡介，仲好貼心地教埋酒店前往方法。
Day 2：迪士尼樂園
第1日行完街，第2日當然要去迪士尼玩啦！相信大家都知迪士尼有分樂園同海洋兩區，今次我就透過EGL app訂咗入場券，上網訂好飛，到時手拎電子門票就可以直接入場，唔使再排隊換飛，慳番唔少時間。而且仲可以任揀迪士尼樂園，或者迪士尼海洋無限次出入！咁玩到一半都可以出去食下嘢，再入場玩過喇！記得留到夜晚，睇埋煙花先走呀！
Day 3： 富士急樂園
玩完迪士尼唔夠喉，第3日決定去富士急再玩多轉，當然，富士急嘅機動遊戲刺激咁多，同迪士尼都唔同路線，所以連玩兩日樂園都冇問題～呢個同樣係透過EGL app訂套票，呢個套票包咗富士急樂園1日通行證，同新宿來回高速巴士券，大家可以透過電話或上網預訂巴士～不過要注意，呢張門票有啲遊戲係唔包嘅，所以大家要睇清楚呀！
Day 4： Sky Tree
最後1日就去Skytree行街買手信喇，如果之前喺迪士尼買唔夠，商場入面都仲有專門店，俾多次機會你掃貨。除咗行街，Skytree 4樓平台望出去都好靚，日夜景色唔同。去到Skytree當然要上天望展望台啦，我一樣係EGL app訂飛，Sk tree嘅套票有幾個選擇，我揀咗展望台加水族館套票，買定飛就可以縮短排隊時間，而且套票選擇多，夠晒彈性，大家可以跟自己喜好揀唔同嘅套票。去埋展望台，旅程都差唔多完結，之後就返酒店準備返香港。
提提大家，7月29號會有隅田川花火大會，如果嗰日大家喺東京諗住參加嘅，EGL app都一樣有套票可以買。
自由行 冇難度 行程規劃慳到盡
其實除咗東京之外，大阪、九州等地方都有唔少優惠。因為下次會去九州，所以都有順便望下，發現九州火車pass同租車方面都唔錯。好似租車咁，只要入晒時間、地點，佢就會出晒唔同牌子嘅車款、價錢俾你，揀架啱心水嘅車就話咁易啦。唔識揸車嘅，九州火車pass都一樣有92折。
EGL自由行app主打香港人最常去嘅日本、韓國、台灣同泰國，暑假、聖誕旺季部分日子嘅產品都買到，EGL app仲會推出唔同優惠。依家起至6月7日download個app就會得到推廣碼，訂購東京機票、酒店、租車服務同買九州JR Pass火車證都有優惠。而單次消費滿$3,000仲可以優惠價$30搶購$300自由行現金券，先購先得，每日名額20個。