【科學催運2/5】聞說7月尾又會有一次水逆出現，喺努力跨越呢段期間嘅同時，有咩可以催運呢？上次同大家分享過，性格變得外向可以提升運氣，今次再同大家睇睇另一種性格行為點樣催運啦！
撰文：Carmen｜圖片來源：《ホンマでっか?!RANKING》
3大問題驗證運氣好壞
答題方法同上次一樣，分有1～7分，1係最唔同意、4係普通（沒偏向任何一邊）、7係非常同意，根據番自身情況嚟選擇相應分數。
問題1：能立即同轉學生建立好關係（1～7分）
問題2：對雜誌嘅「最新家電」特輯非常在意（1～7分）
問題3：同異性短時間就能變得友好（1～7分）
計算方法：將3題答案數字相加，合計多過13分嘅，就係善於接納新事物嘅好運之人。
問題測緊咩？
呢3條問題主要測試個人對新事物嘅接受能力。據認知科學評論家・中野老師所說，善於接受新事物嘅人之所以比較好運，係因為呢類人通過接受不同嘅新事物，從而提高留意到機會之處嘅能力，願意接受新事物令呢類人嘅目光放得更廣、更遠。
冇計劃嘅旅遊可催運？！
據中野老師所講，毫無計劃嘅旅遊有較大機會遇到無法預測嘅事情，進行不作周詳計劃，只管享受旅程嘅訓練，能夠令運氣變好！
因為唔知會發生咩事，所以，反而更令人覺得有趣同值得期待。
