【科學催運1/5】大家有冇聽過「人有三衰六旺」呢句說話？雖然「旺」嘅比例多啲，但「衰」所帶來嘅破壞力真係一絕。好似星座嘅水逆時期咁，真係過得特別慘，只能祈禱呢段時間快啲過去。但原來，運氣係有得用科學方法提升嘅！而且，運氣竟然係關乎性格？！
撰文：Carmen｜圖片來源：《ホンマでっか?!RANKING》
3大問題驗證運氣好壞！
答題方法同做問卷差唔多，分有1～7分，1係最唔同意、4係普通（沒偏向任何一邊）、7係非常同意，根據番自身情況嚟選擇相應分數。
問題1：休息日外出嘅情況較多（1～7分）
問題2：同相交不深/完全唔識嘅人碰面，依然可以傾得好開心（1～7分）
問題3：迷路時，大多數都會選擇搵人問路（1～7分）
計算方法：將3題答案數字相加，合計多過13分嘅，就係外向性較高嘅好運之人。
問題測緊咩？
呢3條問題主要測試個人外向性。據認知科學評論家，中野老師所講，BBC同英國心理學家曾經進行一個實驗，測試好運嘅人係咪直覺較強、準，結果發現其實並冇關係。但喺一個心理測試中發現，好運嘅人大多數都比較外向！
提高外向性可催運
據專家所講，變成善於聆聽嘅人，比善於說話嘅人，更能得到好運。
由於善於聆聽嘅人偏向將目光放喺人心或性質上，好多時都會無意識地獲取大量情報，呢類人可活用獲得嘅情報或人脈，更容易把握到機會。
常被誤會嘅一點係，善於透過講自己嘅事嚟炒熱氣氛嘅人，其實因為焦點係喺自己度，所以呢類人反而係內向性較高！
