相片來源：屋主的Airbnb網站
01．陽台遠眺阿蘇山 清潔舒適高層住宅
房價：HKD$524／2人（追加HKD$74／1人，最多可住 3 人）
位處市內幽靜住宅區 10 樓，天氣好時還可以在陽台望到阿蘇山。1 房 1 廳，廚房煮食用具、沖涼用品、WIFI等齊備，清潔舒適。徒步 3 分鐘就有便利店，餐廳及超市，徒步 12 分鐘可達下通商店街，搭巴士 7 分鐘可到熊本城，非常方便。 （更多詳情）
02．Hello Kitty主題房間 免費單車借用
房價：HKD$416／1人（追加HKD＄120／1人，最多可住3人）
房間入面的床單被鋪､窗簾､杯碟及牆紙擺飾等都是Hello Kitty，最適合Kitty Fans。一般Airbnb應有設施和用品都齊備，額外免費提供的有手提電腦､ 3 架單車及 1 架BB車，方便有小朋友的家庭和鐘意悠閒地踩單車觀光的客人。徒步 1 分鐘有便利店，15 分鐘可達下通商店街和熊本城。（更多詳情）
03．傳統日式獨立屋翻新 附設敞大後園
房價：HKD$1,224／4人（最多可住 4 人）
如果想體驗一下日式傳統獨立屋，訓下榻榻米，可以揀呢間。間屋啱啱翻新咗唔係好耐，所以一點也不會感覺殘舊，配合日式傢俬擺設，反而有種復古feel。房子十分寬敞，有個大後園，4 個人入住還有好多空間。附近步行約 5 分鐘就有超市，雜貨店，居酒屋等。唯一一點比較不方便，就是離JR熊本站有點遠，徒步約 30～40 分鐘，比較適合自駕遊人仕。（更多詳情）
04．現代感設計 3分鐘直達熊本城商店街
房價：HKD$984／4人（最多可住 4 人）
全新裝修，現代感設計，簡約時尚。客飯廳，房間十分闊落，4 人入住充足有餘，以市內Airbnb來說算少有。價錢平均每人每晚都係約$246，真係幾抵住。窗外可見熊本城，徒步數分鐘即可達商店街，地點一流。（更多詳情）
05．每人最平＄194 多人數之選
房價：HKD$832／1人（追加HKD$90／1人，最多可住 8 人）
如果對設計佈置唔係咁高要求，只係想揾個地方訓覺的話，可以考慮吓呢間。8人入住價錢平均每人$194，$200不用！2間榻榻米房加1個洋式客廳，是有點擠，同埋不設WIFI有啲唔方便，但呢個價錢尚可接受。徒步 10 分鐘可達JR熊本站。（更多詳情）
06．黑白型格套房 面向大路大陽台
房價：HKD$448／1人（追加HKD＄120／1人，最多可住 2 人）
以黑白為主色調，雖然無廳，但廚房，厠所，沖涼房都一應俱全，2 人入住空間感足夠。最好就是有個相當寬敞的陽台，對著大馬路，算很開揚。由JR熊本站乘市電約 15 分鐘，步行 14 分鐘可達商店街，附近有便利店超市。（更多詳情）
07．熊本城旁翻新日式古屋 Sumitsugu House
房價：HKD$832／1人（追加HKD＄374／1人，最多可住 5 人）
正正座落於熊本城旁，透過落地和風廳窗望出去，可以望到熊本城嘅牆腳，充滿日式風情。翻新後的日式古屋，仍然保留一種古樸氣質。客飯廳及房間採用無間隔設計，空間感非常好。基本 1 張雙人床，2 張單人床及 1 張梳化床，家庭､朋友旅行都適合。徒步10分鐘可達JR上熊本站。（更多詳情）
（*以上價錢未包清潔費及服務費，房價亦會隨日子和人數而改變）
下一頁：熊本Airbnb｜ 3 大溫泉住宿推介
延伸閱讀
日本政府推 九州旅遊優惠券
不再中伏！Airbnb 訂房 5個冷知識
日本Airbnb | 入住前10個規則你要知
住airbnb好嗎 | 健吾
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。
