港人斥福岡餐廳係黑店 結帳時同餐牌價錢超大分別：貴咗＄200！
日本食物一向「平、靚、正」，惟早前曾有港人在網上開帖文公審福岡一間日本料理店，指「日本都有海鮮價」。事源該名港人指當時點了兩隻蝦，餐牌上明碼實價地寫著「車海老 1,300円より」（當時約HK$97），但結帳時餐廳竟收了他每隻2,700円（連稅）（當時約HK$202）。看到帳單後他指「貴同呃人都不特止，連張單都唔肯畀我，搞咗一大輪先肯畀我」。於是在網上出Post指該店是是黑店，提醒大家小心！
餐牌上一字眼必要看清楚 日文「より」等於「起」
不過事主亦有講明，餐廳一方指自己沒有錯，餐牌清楚列出了一個日文字！ 有學過日文的網民亦指，「一睇就知『より』，其實係日文「起」嘅意思，車海老 1,300円より即是車海老 1,300円起！這隻字常見於出售活魚的餐廳。另外，網民亦提醒有時還會出現「時価」（即是「時價」），大家點菜前問清楚當日價錢！
網民：自己唔識日文就話人劏你？
不少網民指餐廳根本沒有錯，「店方無責任去Confirm你睇唔睇得明呢隻字」、「無啦啦話人黑店同劏你，無知真可怕」、「人哋寫明，你唔識睇，仲話人錯咁好意思？」、「學吓嘢啦當，應該出返個日文Post叫餐廳小心你就真」。不過亦有網民指學到嘢，稱日後會認住這字，就算之後開關去日本，都不會誤會被人劏！
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。