【江之島必食】位於鎌倉附近嘅江之島，係相模灣沿岸嘅一個觀光勝地，及湘南地區的代表景點。除了美景，嚟到江之島不能不做嘅其中一件事，就係邊行邊掃街！路上食店眾多，邊間先至特別又好食？即睇日本網友推介，6大必食掃街清單！

撰文：C｜圖片來源：Twitter、店舖官方網頁

江之島必食 6大掃街清單

1｜超大片！原隻章魚仙貝

日本電視及雜誌常客，用上完隻章魚（甚至2～3隻！）烤成薄薄一片仙貝。由店家即時逐片烤成，雖然店前長期排長龍，但網友形容係非常值得排，係江之島必食名物之一！

章魚被壓成一片，口感酥脆，一個人都能輕鬆食足5片！尺寸約30cm x 15cm，厚度同畫紙差不多，容易入口之餘，口感十足。味道除咗有章魚嘅香味，亦同時有醬汁嘅甘甜，恰到好處嘅鹽味及辣味。

丸焼きたこせんべいの　あさひ本店

地址：神奈川県藤沢市江ノ島1-4-10
營業時間：9:00am-6:00pm（逢星期四休息）
網頁：www.murasaki-imo.com/

2｜全人手製 女夫饅頭

於1789年開業的老舖，「紀の國屋本店」嘅「女夫饅頭」，共有啡色及白色兩款，白色為豆沙餡，啡色則為紅豆粒餡，均為全人手製。

啡色嘅饅頭用黑蜜製成，白色則為清酒，餡料口感輕盈不甜膩。白饅頭使用嚴選清酒調和而成，外皮濕潤水分十足，味道帶有清新甜味。

紀の國屋本店

地址：藤沢市江ノ島2-1-12
營業時間：8:00am-6:00pm（逢星期三休息）
網頁：enokama.jp/spot/

3｜最中雪糕三文治

可從雲呢拿、抹茶、紅豆雪糕中選擇豆沙餡或紅豆粒餡，夾喺稱為「最中」嘅一種薄脆薄皮中一同享用。

網友表示，最鍾情呢間店嘅最中雪糕三文治，每次到訪江之島都必食！

井上総本舗

地址：神奈川県藤沢市江ノ島2-1-9
營業時間：8:00am-6:00pm（逢星期五休息）
網頁：www.cityfujisawa.ne.jp/~hi-ho/

4｜芝士白飯魚麵包

呢間名為「とびっちょ」嘅店舖，最出名嘅招牌菜係白飯魚丼。如果唔想食飯嘅，店前出售嘅白飯魚麵包都係非常值得一試嘅menu！

白飯魚嘅味道不是很強烈，但非常惹味好食，尺寸只有一口size，方便食用。喺軟綿綿似足冬甩咁嘅麵糰中加入咗芝士，口感特別。麵包內有芝士及白飯魚作為餡料，再加上炸得酥脆嘅麵包，口感即時變得軟綿可口。

とびっちょ

地址：神奈川県藤沢市江ノ島1-6-7
營業時間：11:00am-8:00pm
網頁：tobiccho.com/

5｜元祖海苔羊羹

「中村屋」係明治35年創業嘅老舖羊羹店，江之島必食名物之一，就係「中村屋」海苔羊羹，而且更有切至小塊，方便食客邊行邊食嘅size。

海苔羊羹有別於一般傳統和菓子羊羹，入口滲著海產香味，網友稱，聽落唔似一款甜品，但嗰種慢慢滲出嚟嘅淡淡海產香，卻意外地非常美味。

中村屋羊羹店

地址：神奈川県藤沢市江ノ島2-5-25
營業時間：9:00am-6:00pm（休息日不定）
網頁：www.noriyoukan.com/

6｜超大隻！燒榮螺

進入江之島後，立即就見到店面。榮螺以外仲有蜆、大蛤蜊等海產種類。雖然觀光地價格唔算平，但勝在即烤即食夠新鮮。唔想就咁食燒海產嘅話，網友亦推薦食海鮮拉麵。

榮螺夠大隻，口感十足！

貝作

地址：神奈川県藤沢市江ノ島1-3-20
營業時間：10:00am～關店時間根據季節調整（休息日不定）
網頁：enoshima-kaisaku.com/

下一頁：【東京美食2019】六本木、淺草人氣日式串燒店推介 一串$10起｜抵食宵夜、暢飲啤酒！

下一頁：東京美食行程 | 吃貨情侶跟日本人怒食 | 9 大必食＋排隊攻略


最新的日本入境要求詳情？

在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。

去日本有什麼好去處及景點推介？

東京自由行丨大阪自由行丨福岡自由行丨四國自由行丨靜岡自由行丨沖繩自由行丨大阪新Outlet以及北海道自由行