平時睇森美做DJ同做主持就睇得多，做「森」導遊帶隊去旅行又會唔會難倒佢呢？TVB新旅遊節目《森美旅行團》打正旗號，由森美帶同麥美恩、黃心穎和高海寧，一連十集玩盡東京、仙台、栃木縣等地。節目主持陣容有新鮮感，更有齊美人、美食、美景，一次過滿足觀眾三個願望。編輯部為大家整理第一輯節目頭3集行程，睇完節目想跟住玩都冇問題！

2018年8月更新：【森美旅行團2】大阪府、京都、和歌山行程全攻略

text：Hailey｜photo：TVB、相關機構

#01｜東京膠囊旅館 森美示範平歎spa

節目首集以「一人前」為概念，帶大家窮遊東京，搵盡最平嘅住宿同美食。一個人去日本，入住膠囊旅館就最方便，不過節目中介紹的「磊の温泉 六本木 VIVI」 並非普通的膠囊旅館，而是可以浸溫泉、做spa的超值之選。平時入住膠囊旅館只想平平哋買個床位瞓覺，對於澡堂都冇乜要求，但如果用膠囊旅館嘅價錢仲可以浸溫泉，絕對係bonus！

磊の温泉 六本木 VIVI
www.roppongi-vivi.com/facility/#f4

#02｜100 円燒肉店

一個人想在東京吃一頓日式燒肉似乎有點困難，一個人食量不大，獨自進餐又不太划算。 而節目介紹的「炭火焼肉ピカソ本店」，每碟燒肉為100-400 円，100円價位的選擇亦不少，足足有13款！一個人去點幾款燒肉，埋單都可以平過$100，超抵！

炭火焼肉ピカソ本店
地址：東京都足立區韆住中居町 19-10
https://tabelog.com/tw/tokyo/A1324/A132402/13091389/dtlrvwlst/

#03｜平食魚生碟頭飯

在日本吃刺身丼的價錢比香港平很多，來到東京當然也不能錯過！在地下鐵入谷駅附近的「齋藤鮮魚」，供應平價高質刺身飯，除遊客外，很多日本人都會慕名而來。不過餐廳只會在午餐時段供應平價套餐，想食的話，要留意時間喇！

森美更特地叫了原板海膽狂掃入口，海膽飯餐盛惠港幣 $175。

https://www.facebook.com/gotrip/videos/186711828570788/

齋藤鮮魚
地址：東京都檯東區下穀 2-9-7
https://tabelog.com/tokyo/A1311/A131104/13022559/

#04｜二手市集

要窮遊又想購物？東京除咗百貨公司同outlet可以shopping之外，仲有不少跳蚤市場可以買平貨！每逢星期六、日，大井競馬場都會舉辦二手市集，全場有近600個攤檔，大多發售二手服飾、家品等，森美更以100 円買到二手真皮皮褸送畀拍檔！

Tokyo Recycle
https://trx.jp/

#05｜和牛奧運會

第2集以日本祭典為主題，以奧運會打頭陣！不過大家都知道東京奧運要等到2020年才展開，因此，今次森美一行幾人到仙台參加的是另類奧運盛事 —「和牛奧運會」。這個活動全名為「第 11 回全國和牛能力共進會」，每隔5年才會在仙台舉辦一次，全日本的和牛產地都會派出和牛參賽，爭奪大獎，森美都話機會難逢。

全國和牛能力共進會
http://cgi3.zwtk.or.jp/zenkyo/

#06｜和牛料理

觀賞完「和牛奧運會」，就可以知道本年度哪一種和牛質素最高，來到仙台，當然要把握機會飽餐一頓！酒店餐廳內都有和牛盛宴！

Hotel Monterey Sendai
www.hotelmonterey.co.jp/tw/sendai/

#07｜《森美旅行團》玩盡武士祭

不少旅客都喜歡參與日本的祭典，既能體驗日本文化，又能感受熾熱的節慶氣氛！今次日本之旅，他們參加了宮城縣的武士祭，這個祭典已經有近400年歷史，是日本重要的傳統活動。森美、黃心穎和高海寧都入鄉隨俗，打扮成日本武士的模樣參加活動！

政宗公まつり
www.masamunekou-maturi.com/index.html

#08｜神社夜祭

每年9月，荒雄川神社都會有夜祭活動，祈求家宅平安、生意興隆、五穀豐收。祭祀儀式持續到夜晚，更會有各個表演團體表演歌舞，參加的民眾都可以加入，氣氛非常熱鬧！

View this post on Instagram

#catchingfeelings 📸: @sammy903

A post shared by Ko Ling 高海寧 (@sammkoling) on


荒雄川神社
www.miyagi-jinjacho.or.jp/jinja-search/detail.php?code=310020467

#09｜同女神去求姻緣

第3集主題是同女神的浪漫約會，當然要求下姻緣！東京的今戶神社是招財貓的發源地，神社內有超多不同造型的招財貓，吸引不少民眾來祈福求緣。除了招財貓外，神社內更供奉了一對夫婦之神，傳說會幫參拜神社的人求到好姻緣，因此不論是旅客還是日本人都會前來神社祈福。同女神一齊嚟祈福，可能會成就一段美好姻緣。

今戶神社
www.gotokyo.org/tc/kanko/taito/spot/40680.html

#10｜新派型格和服

去日本幫女神影和服相同打卡是常識吧？但和服通常都只有花花款式，普通和服體驗店又甚少男裝選擇，而JOTARO SAITO GINZA SIX就引入了不少型格和服，款式特別之餘，亦唔會同人撞款！


JOTARO SAITO GINZA SIX
www.jotaro.net/ginza/

#11｜米芝蓮星級甜品店

女生總有一個甜品胃，要打動女神，當然要帶她去吃美味的甜品。東京就有一間著名的米芝蓮星級意大利甜品店—Toshi Yoroizuka，店內提供各種冷熱甜點，總有一款啱女神口味！話明米芝蓮星級甜品店，嚟之前記得要先訂位，如果唔係有排等又激親女神！

Toshi Yoroizuka
www.grand-patissier.info/ToshiYoroizuka/

#12｜直立板體驗

很多地方近年都興起玩「 Stand Up Paddle」 的熱潮，貪其動靜皆宜，既可以充當滑浪板，又可以當獨木舟靜靜地划槳遊覽。想不到來到東京市區一樣可以玩到，更可以暢遊Sky Tree下的運河，由黃昏玩到夜晚，欣賞夕陽美景同城市夜景，同情侶一齊玩，感覺一定好浪漫。

Bochi Bochi Adventure Susono
www.susonookutama.com/

#13｜約會男公關

去日本旅遊時經過歌舞伎町常常會見到一些美男招攬客人，但女生們心思思想見識下又怕醜唔敢去。今次旅程中，3位女主持一於撇甩森美，去到Club Romeo同一眾男公關狂歡！黃心穎同高海寧仲話啲男公關靚仔到似崔始源，唔知觀眾睇完節目又有冇興趣去玩下呢？

Club Romeo
http://romeo-gr.com/

下一頁：【九州攻略】杜如風帶團去九州 | 喪買、喪食、喪玩全攻略（上）

延伸閱讀：【大阪美食懶人包】黑門、木津、中之島 3大魚市場 必吃必買清單 2017


最新的日本入境要求詳情？

在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。

去日本有什麼好去處及景點推介？

東京自由行丨大阪自由行丨福岡自由行丨四國自由行丨靜岡自由行丨沖繩自由行丨大阪新Outlet以及北海道自由行