【飲品篇】
1) 雪印櫻花牛奶咖啡
睇嚟櫻花係可以融入所有飲品之中，雪印就挑戰將喺牛奶同咖啡入面加入櫻花喇，相信味道應該非常豐富，就快去日本嘅你都記住要買嚟試吓喇！
【發售地方】日本便利商店
【發售日期】1月12日
【價格】¥130（不含稅）
2) Asahi / Sapporo 櫻花包裝啤酒
Asahi 每年呢個時候都會推出期間限定嘅櫻花包裝啤酒，今年都唔例外！除咗罐裝，都有枝裝同唔同容量選擇。而SAPPORO 「極ZERO」 同 「The gold」 兩款啤酒都都唔執輸，同樣推出咗櫻花包裝，最啱一班姊妹約埋飲返杯！
【發售地方】日本各大便利店、超級市場
【發售日期】2月2日
【價格】視乎容量
3) 北岡本店金箔櫻花酒
唔好以為呢樽係香水啊，其實係櫻花酒嚟，北岡本店用櫻花嚟釀酒，酒色係粉紅色，入面仲有勁靚嘅櫻花同埋金箔，等你喺屋企都可以賞櫻！飲落有櫻花香氣，所以酒味唔算好重好易入口，不過酒精濃度都有 11% 架！
【發售地方】可在北岡本店官網訂購或直接到門市購買
【發售日期】2月15日
【價格】¥756
4) Starbucks Sakura Latte
Starbucks將櫻花融入咗latte度，飲落有淡淡嘅櫻花香之餘，仲有粒粒士多啤梨果肉，每一口都係春天嘅味道，而且喺便利店就可以買到，非常方便，包你一試愛上！
【發售地方】日本便利商店
【發售日期】2月16日
【價格】¥230（不含稅）
5) 櫻花味 Red Bull
粉紅色嘅Red Bull真係第一次見啊！唔止個罐咁靚，連倒出嚟嘅Red Bull都係粉紅色架，估唔到一罐能量飲品都可以變得咁有少女味咁夢幻啊！
【發售地方】日本部分便利商店
【發售日期】2月16日
【價格】¥190（不含稅）
6) Lindt 白朱古力冰飲
Lindt Chocolate Cafe日本分店都有季節限定嘅櫻花味白朱古力冰飲啊，望落好似奶昔，飲落酸酸甜甜，堂食同外賣都得！
【發售地方】Lindt Chocolate Cafe日本全部分店
【發售日期】2月16日至4月12日
【價格】堂食¥1,388、外賣¥772
7) 櫻花味百事可樂
百事之前都出過青瓜、士多啤梨味可樂，又試過出白色同粉紅色嘅可樂，今次就滿足你兩個願望，將可樂搖身一變變咗粉紅色，仲伴隨櫻花味，諗起都想快啲試吓啊！
【發售地方】便利店
【發售日期】3月8日
【價格】待定
下一頁：必試 6 款櫻花食物
【食品篇】
08) 櫻花朱古力
呢款朱古力每包有7粒，兩種口味（櫻花糯米糍、櫻花奶凍），唔好睇佢細細粒，層次都相當豐富架！
【發售地方】羽田空港
【發售日期】即日起至3月末
【價格】6個￥500、 12個￥1,000（不含稅）
10) 卡樂B櫻花牛油味薯片
都話櫻花係百搭架啦，卡樂B就將櫻花配落牛油度，之前蜂蜜牛油味薯片大受歡迎，唔知櫻花牛油味薯片會唔會都掀起搶購潮呢？
【發售地方】日本便利店
【發售日期】即日起九州、中國及四國地區有售
【價格】¥120
11) 7-11櫻花香餅
外層係櫻花加糯米整嘅麵團，入面包住滿滿嘅豆沙，一打開包裝已香氣撲鼻，去開7-11一定要買個試吓！
【發售地方】日本全國7-11（北海道、四國除外）
【發售日期】即日起
【價格】¥130
12) 春節限定 櫻花和菓子
軟綿綿的和菓子，餡料是用鹽漬櫻花及櫻葉製成。細細個咁，同朋友一齊分享就岩曬。
【發售地方】羽田空港(特選和菓子館店・フードプラザ店)、東北自動車道Pasar羽生店
【發售日期】即日起至3月尾
【價格】¥864/8個裝
13) Lindt 馬卡龍
踏入賞櫻季節，日本Lindt就乘勢推出櫻花馬卡龍，以櫻桃醬為餡料，外面是粉紅脆脆，仲印有櫻花圖案，女仔實鍾意呀！
【發售地方】Lindt Chocolate Cafe日本全部分店
【發售日期】即日起至4月12日
【價格】1個￥302
延伸閱讀：
2月遊日注意 | 便利店10款必試零食速報
東京迪士尼海洋｜15週年慶限定商品
東京出發 | 河津櫻日歸旅行交通攻略
日本10大追櫻花期Update
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。
