【健康知識】早餐嘅印象通常都係火腿通粉、炒蛋、三文治等等，又或者西式早餐咁食下煙肉、茄汁豆、熱香餅咁。但如果醫生話你知，早餐食扒有助身體健康，你認為點？
撰文：Carmen｜圖片來源：《くりぃむしちゅーのハナタカ！優越館》
早餐食扒有助減肥？！
日比野佐和子醫生話，一大朝早攝取蛋白質係有助提升基礎代謝，有效促進脂肪燃燒，帶來減肥效果。以後可以堂堂正正，晨咁早食牛扒喇！
乳酪夜晚食更有效果
日比野醫生指，腸內環境嘅黃金時間係夜晚10點～凌晨2點，由於喺呢段時間攝取善玉菌對腸臟嚟講更健康，所以比較推薦用乳酪做飯後甜品。
