鍾意冬天去東北坐小火車睇雪景，除了青森的津輕鐵路的燒魷魚火車、岩手三陸鐵路的暖爐枱小火車外，一定會在資料上見到 秋田內陸線 那架小火車！去日本東北秋田旅行做資料搜集，幾乎每張介紹秋田的海報都是以 秋田內陸線 這架的骰火車當主角，不單吸引鐵路迷來朝聖，就連龍友都要來打龍！
去日本東北秋田旅行做資料搜集，幾乎每張介紹秋田的海報都是以 秋田內陸線 這架的骰火車當主角。 (圖片：秋田內陸縦貫鉄道fb)
秋田內陸縦貫鉄道(簡稱︰ 秋田內陸線 )，又叫「あきた美人ライン」秋田美人線，起點為秋田角館站，經萱草、 比立內、阿仁合等等，終點站為鷹巢，全長94.2公里共29站，路線穿梭於縣內銀白山巒、赤紅鐵橋，可以睇到好多冇受人為破壞的自然景色，春櫻夏綠秋紅冬雪，四季各有不同景色，難怪是日本龍友心水打龍地。
建議打龍位置︰
萱草－笑內 大又川橋
比立內－奥阿仁 比立內橋
阿仁前田-前田南 小又川橋
阿仁合森吉山阿仁滑雪場
綜合龍友和本人的心得，冬天要影到經典小火車走過紅色的比立內橋或大又川橋甚為艱難。要影到火車的廣角照，全都要行一段路，天氣要好，不能落大雪，上山路況冇咩積雪。由於火車班次超少，錯過一班，下一班要等好耐，唔想miss咗回程班車，最好坐第一班車。
秋田內陸縦貫鉄道
