【日本貼紙相機】隨住今年係日本平成年號嘅最後一年，感覺好似發生過唔少事，令日本網友紛紛感受到「時代的終結」。例如90後由細影到大嘅日本貼紙相機公司都做唔住，上星期申請破產！部分機種香港都曾經引入過，你又影過幾多次貼紙相呢？

撰文：CR｜圖片來源：MAKESOFT

日本貼紙相機業界巨頭申請破產！

由1990年代開始，喺日本高中生之間盛行嘅「貼紙相熱潮」，令貼紙相機界壯大起來。但隨住出生率降低，同愈來愈少game centre，貼紙相業界嘅經營亦步入艱難嘅時代。

MAKESOFT初時係為任天堂開發遊戲嘅公司，97年開始加入貼紙相機開發行列，漸漸成為業界巨頭之一。亦開發出將本來係長方形嘅貼紙相，影成正方形嘅「四角貼紙相」（shikaku-puri)相機「CUBE」等備受喜愛嘅機種。

由於智能手機嘅普及，大多數年輕人都偏向用手機app影相就算，貼紙相機最吸引嘅「整容功能」已不再是獨有機能。日本嘅數據公司表示，目前除咗紮根東京嘅另一業界巨頭Furyu之外，其他開發、製造商嘅經營現況都非常艱難。睇嚟……要趁仲有得影嘅時候，好影多啲喇！

最新的日本入境要求詳情？

在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。

去日本有什麼好去處及景點推介？

東京自由行丨大阪自由行丨福岡自由行丨四國自由行丨靜岡自由行丨沖繩自由行丨大阪新Outlet以及北海道自由行