撰文：AY｜圖片來源：《ノブナカなんなん？》截圖、IG@rin_rapunzel
日本現實版長髮公主 15年冇剪過頭髮！超騎呢用頭髮玩鞦韆！節目公開原因
大多數女生都喜歡留長頭髮，但頭髮太長就未必人人可以忍受！不過日本女生神戸リン，便留有長達2.3米的長直髮，堪稱「現實版的長髮公主」！最近，她更登上日本綜藝節目《ノブナカなんなん》公開自己的日常生活。
今年35歲的神戶小姐，身高168cm，留有一把2.3米長直髮。從側面看，神戶小姐全身完全被黑髮遮住，連行路都要先將頭髮圍在頸上，才可走動！她指自己已經15年無剪短過頭髮，雖然平時生活有緒多不便，但未有剪頭髮的打算。
觀眾都相當好奇神戶如何洗頭，節目組便跟拍神戶小姐一天的生活。早上起床，神戶小姐會先進行伸展運動，但必須小心翼翼，因為長髮覆蓋全身，容易纏繞。運動後，神戶會先清除地上的頭髮。
神戶小姐更在鏡頭前示範洗頭，她每日都要花3小時洗頭同吹頭，單是落洗髮精都要分3次，總共要按29下洗髮精！最後更出動兩個風筒吹頭，超級誇張！
到底神戶小姐為何會堅持留長髮而唔剪短？原來神戶小姐是「真人長髮公主」（Real Rapunzels）的成員，亦是亞洲區唯一成員，平時會上載搞怪影片於YouTube，如用頭髮玩鞦韆、「鞭打」紙張、家人等，利用長頭髮輕鬆賺錢！
雖然神戶小姐為洗頭水擔任Model，及拍攝騎呢頭髮影片，不過以上都不是她的正職，原來神戶小姐的真實身份是全職鋼管舞蹈員！
