Pocky 大家都食唔少啦，宜家認真啲睇，上面呢10款 Pocky 嘅包裝有咩唔同咗？無錯，盒上面印住嘅唔係 Pocky ，而係其他英文 (其實正確嚟講係日文）！係咪覺得好得意呢！其實呢個就係 Pocky 嘅期間限定嘅「改名 Pocky」活動！宜家開始喺便利店或超市都有機會買到！大家去日本玩時記得去搵下呢 10 款咁特別嘅 Pocky 啦，背後仲有位俾你寫 message，送禮表達心意最適合不過！

唔識日文驚買錯意思？放心一早準備咗翻譯俾你：

Sukky（スッキー）：あなたが好きです。（我鍾意你。表白用一流！）

Giricky（ギリッキー）：義理チョコです。（人情巧克力。好人卡 Pocky 版sosad）

Yorocky（ヨロッキー）：よろしくお願いします。（請多多指教。日本人好鍾意講呢句，入鄉隨俗都唔錯）

Thanky（サンキー）：いつもサンキューです。（一直以來感謝你了。用途最廣，買定實冇錯）

Mamacky（ママッキー）：ママ、ありがとう。（謝謝媽媽。記得買埋「謝謝爸爸」）

Papacky（パパッキー）：パパ、ありがとう。（謝謝爸爸。記得買埋「謝謝媽媽」）

Tomocky（トモッキー）：これからも、ともだち。（友情永固。送俾朋友又得，送俾兵…都得。）

Lovecky（ラブッキー）：愛してます。（我愛你。唔使多講啦！）

Okaecy（オカエッシ―）：おかえしです。（這是回禮。做人要有禮貌啊！）

Ganbacky（ガンバッキー）：がんばってください。（加油。又係用途好廣嘅一款）

賣到幾時？

官方未有宣布呢 10 款限定 Pocky 會賣到幾時，不過期間限定嘅嘢話無就無，大家見到就好入手啦！

圖片來源：http://www.pocky.jp/products/name_cp/index.html

延伸閱讀：

精選日本便利店1月必試10種新商品

日本立山黑部 | 你不可不知的8種特色交通工具

京都下京區 「夢館」和服體驗遊記 | MissRita

日本草莓 | 6個車站沿線士多啤梨園推介

最新的日本入境要求詳情？

在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。

去日本有什麼好去處及景點推介？

東京自由行丨大阪自由行丨福岡自由行丨四國自由行丨靜岡自由行丨沖繩自由行丨大阪新Outlet以及北海道自由行