網民怒轟浸溫泉失禮事件：影衰哂
網民在本頁上回應：「係宮島見過有中國人，帶手機入女湯自拍，我相信佢一定影到其他人，真心嬲，影衰哂，即走」、「我都有遇到，響更衣室內幾個人舉機拍照…大佬呀，個個都赤裸裸行入嚟換衫，點知會唔會比佢影到，所以即時通知柜台職員」、「泡公眾溫泉係好多規則，唔鍾意守規嘅人，都係book返酒店私人溫泉自在啲。不過又咁，全世界不同民族都有自私嘅人」、「男扮女裝匿身在温泉女更衣室偷拍被捕？」、「有啲白癡以為全場冇人識聽廣東話」。
記者教落7招學識浸溫泉
為了讓一眾港人在浸溫泉時不要再次發生類似的事，所以記者就教落7招，放鬆學識在日本浸溫泉時不失禮。
01 | 咪做失格旅人放飛機
不少旅館的職員不懂英語，故在日本溫泉旅館網頁都可以預約訂房，一般都不會在網上收費，謹記即使不能成行，也要打電話或以電郵告知旅館取消，千萬不要冇尾飛砣失蹤放飛機。
02 | 浴衣左疊右，記得帶毛巾
一般酒店會在房間提供浴衣和毛巾，去泡湯可以先換上浴衣，記得著法是左疊右，而在房間大多有大小毛巾，大毛巾是用來抹身，小毛巾才可以帶入溫泉區。
03 | 要淨身勿披頭散髮
日本人浸溫泉很講規矩，必須先沖涼才可浸溫泉，免得污染泉水。千萬不要圍毛巾，女孩子們若是長頭髮的話，一定要紮好才好下水，頭髮是不可以浸在水裡的。
04 | 30分鐘為限免浸過龍
落水先浸半身浴，然後再浸至肩膊。第一次浸溫泉宜先浸5分鐘後起來淋冷水，如能夠適應可再浸5-10分鐘。浸溫泉最多只能浸30分鐘，因長時間浸泡會引起頭暈，也會沖走皮膚天然油脂，令肌膚變乾。
05 | 沖水、補充水分後不要即瞓
泡溫泉後可用溫水沖身。泡硫磺或鹽分較高的溫泉後，最好以清水沖身，免殘留的礦物質刺激皮膚。浸溫泉其實有點似焗完桑拿般出了一身汗，謹記完事後要補充水分。浸完溫泉不要立即睡覺，皆因體內血氣在急速運行，最好等半小時才鑽入被窩。
06 | 舉機影相先要問
浸溫泉也要浸得有文化，畢竟大家到露天風呂都是泡湯，誰也不想赤身裸體被攝入鏡頭。想拍照，記得要等冇人先好影呀！
07 | 紋身要用貼紙遮蓋
日本人對紋身很敏感，不少公眾大浴場、旅館溫泉都禁止紋身男女泡湯。如果真係有紋身又想泡湯，一係用旅館提供的貼紙遮蓋紋身，一係就租住附有私人風呂的客房。但溫泉旅館未必一定會有貼紙提供，所以預訂前最好就問清楚先。
