撰文：Cynthia｜編輯：SY｜圖片：Unsplash、nikko-kankou.org
日本冬天5大令人懷念的溫暖位
總覺得日本冬天沒那麼難受，更讓人有想「一去再去」的感覺，真的好想去日本啊！
1. 溫暖的廁板
天氣一凍，去廁所就會變成一件非常痛苦的事，每次都要鼓起勇氣坐落凍冰冰的廁板上！呢個時候就會非常懷念日本，日本的大部分廁板都有預熱功能，坐上去暖暖的好舒服。日本廁所功能超無敵，好多網友盛讚暖又餘，又可以洗屁股。
2. 自動販賣機有熱湯！
香港嘅自動販賣機向來都只有凍飲，近年7-11/OK 便利店好咗少少，終於有個櫃可以買到暖飲，但無論如何都比不上日本的自動販賣機！四圍都見到，有大量好飲熱湯，當中必飲的粟米湯有粒粒粟米，飲完成個人都暖晒。
3. 四圍都有暖氣
冬天的時候，好多香港店舖、屋企都未必有暖氣，行入室內都依然有種凍冰冰的感覺！暖氣幾乎係日本冬天每家每戶的必備物品，連地板都暖笠笠，係戶外玩到凍，就可以即刻入便利店保保暖。
4. 乾凍VS濕凍
好多人都會覺得香港幾度已經比日本的負十幾度凍，其中一個原因，就是香港濕氣比較重，屬於濕凍，所以一有風或者落雨，就會凍到入骨。去日本唔想凍親，只要包到實一實，唔好畀皮膚暴露於空氣之中就可以喇！
5. 瘋狂浸溫泉
每次冬天去日本的指定動作，就是浸溫泉！想日浸夜浸首選溫泉旅館，而日本亦有大量溫泉浴場，幾乎係總有一間喺左近。日本有溫泉旅館，想浸溫泉好方便！一浸完，成個人就暖晒！
