日元眨值港人狂買日本樓 心齋橋180呎單位平足港幣15萬
日元持續眨值，大家對於「Made in Japan」的貨品熱度又再被刺激，加上日本開放旅遊關口，世界各地旅客都陸續到日本「報復式消費」。據日本電視台早前報道所指，日元眨值下有3大消費品成為外國人搶購的頭號目標，而不同國家的人都有著不同獵物及目的，而香港人的消費就是日本置業，睇好日後復甦的前景，認為日本樓價會有所上漲。
該節目指，經營日本房地產中介公司，最近接獲港人對日本物業的查詢急劇增加，以遙距形式睇樓及簽合約，當中以2000萬日元的物業就最受歡迎，更有人豪花10數億日元買物業。關正安指，日元眨值以來不論新舊客的成交量都有所增加，以5月為例已有40宗成交。「一個月有40宗成交已算係好好成績，對上一次有呢個情況出現已經係2018年。目前嚟講見到日本嘅單身公寓較受歡迎，200呎左右以前可能要40幾萬，而家日元跌穿6升，30幾萬都已經買到，等於打85折。」
另外，關亦指有客戶較大手筆，一次過會動用4至5億日元置業收租，作長線投資：「日元跌令客人都肯使多啲錢投資，以心齋橋180呎單位為例，上年1,100萬日元即港幣約79萬，現時折合價約港幣64萬，買家足足慳咗港幣15萬就可以用嚟收租，所以好多人問」。
網民不滿：「又炒貴日本樓」 關正安：「日本樓從來唔係用嚟炒」
不過有網民看到港人置業的消息後一笑置之，指「香港人買樓真係世一」、「講到炒樓香港人真係想輸都難」、「香港人真的以為全地球的樓都會跟香港一樣咁升」、「日本朋友話日本人其實好多都係租樓」、「香港人買嘅玩具玩寧舍唔同」、「日本樓炒得起係奇蹟，我諗日本政府想人炒好耐」、「炒完英國樓炒日本樓」、「香港人覺得日本樓會升係因為今星期你買完，下星期放出去又係香港人接盤」。
對於網民看法，關指這是「香港人用香港個套去諗日本樓」，他指日本樓從來都不是用來炒賣。「日本樓炒唔起呢個睇法係好短視同好香港，因日本樓係中長線投資的選擇，收租有穩定回報，最少都有4厘回報，你用香港人個套嚟諗完全係錯觀念。」他重申，外國人（包括香港人）買日本樓的比例只佔一成，所以網民指「香港人買日本樓托高日本樓價，呢個行為好醜」的說法並不認同。
外國人加速消費 買電子產品賺差價
香港人專買樓，外國人專買電子產品，價錢差價隨時可相等於享85折優惠！由於日本Apple產品價格經換算後暫時成為全球最低的區域，以iPhone 13 Pro系列為例，現時在日本的售價為 ¥122,800 起，即約港幣$7,190；而香港版本的售價則由$8,499 起，兩個版本相差達$1,309。而日本節目指近日有不少身在日本的外國人大手買入 iPhone、iPad、iPods 等產品，然後再轉運回國賺取匯率差價。
外國人專買玩具模型 二手店轉手賺錢
日本不論是動漫或是模型，一向都受外國人歡迎，且有正版保證。而日本節目中可見冰島家庭或是墨西哥人都買Lego及其他模型為主，當中墨西哥人指購入模型然後到二手店放售可賺取差價，更有人一日買50個模型來賺錢。不過相對於港人買樓情況，網民都指「香港人買玩具嘅Size都寧舍唔同，外國人諗賺錢嘅途徑真係唔及香港人」。
