行 Tokyu Hands 幾乎係每次到日本旅行的指定動作，文具、家品、雜貨、玩具、化妝品咩都有，男女老幼都總會搵到自己啱行啱買的專區！我就最鍾意行廚房用品部，因為日本成日都會推出有趣的小工具，好多都好實用，樣樣都想買返香港玩下！最近就見到佢特別推介呢 2 款 廚房小道具 ，我都忍唔住手買咗，都幾實用喎！
01 | nonoji 椰菜絲刨器－－慳時間慳力氣之選
呢個真係超方便，就咁攞住個椰菜就可以直接刨成絲，唔使再慢慢切！難怪成為 Tokyu Hands 暢銷榜的no.1 & no.2（唔同顏色）！（價錢：900日圓）
02 | 廚房cutter－幫你輕鬆開包裝
可能你會話你唔食椰菜絲，之前嗰款冇咩用，但呢樣我覺得係必備的，因為總有啲包裝、膠袋、膠紙係好難搞，例如百x豆腐，開親都爛！所以呢個係好值得買的！（價錢：1,200日圓）
去片！
