撰文：NY｜圖片來源：《LDK》
1｜100円店
DAISO
Kancore Mascara 【顏色：Pink】
售價：100円（未連稅）｜綜合評價：✭✭✭✭✩
系列共有7種顏色，但相比起啡黑色等基本顏色，更推介鮮色顏色！其中，粉紅色唔單止能令雙眼睇起嚟神采飛揚，而且非常顯色，能營造時下潮流妝容。
Kancore Cheek【顏色：Coral Pink】
售價：100円（未連稅）｜綜合評價：✭✭✭✭✩
粒子幼細，容易上粉，混合使用可作為日常妝，單色使用則可有更玩味嘅變化。但附屬嘅掃太細，建議買番支大掃使用。
Eyebrow三角芯【顏色：Dark Brown】
售價：100円（未連稅）｜綜合評價：✭✭✭✩✩
刷頭係三角形，筆芯柔軟。眉頭較粗嘅部分就將眉筆打平畫，眉尾嘅幼細部分則用三角芯嘅角描畫，令效果更加自然。
Espoleur BB Cream【顏色：Light Natural/Ocher】
售價：100円（未連稅）｜綜合評價：✭✭✭✩✩
伸展性好，能貼合皮膚。雖然補正效果較薄，但如果作為上乾粉前嘅打底就正適合！
Espoleur Color Mascara【顏色：Blue】
售價：200円（未連稅）｜綜合評價：✭✭✭✩✩
比起話blue其實更似navy，亦因此，塗抹不均勻亦難以察覺，令雙眼更顯深邃。顏色能充分掩蓋質感。
Espoleur Lip Gloss F【顏色：Coral】
售價：100円（未連稅）｜綜合評價：✭✭✭✩✩
非常有光澤感，色澤為較淺嘅可愛粉紅色。但由於筆刷較硬，輕輕塗抹比較好。
CanDo
Crayon touch-me ST 淚袋筆【顏色：White Pearl/ Shiny Beige】
售價：100円（未連稅）｜綜合評價：✭✭✭✭✩
伸展性佳，筆芯柔軟，珍珠色顯色自然。只喺眼下部位使用，就能畫出華麗嘅光澤感，營造自然明亮雙眸。
Crayon touch-me TM Color Mascara【顏色：Ocean Blue】
售價：100円（未連稅）｜綜合評價：✭✭✭✭✩
上眼顏色同所見嘅一樣冇色差，但由於會稍為結塊，需用手指頭輕輕刷開。只於眼尾部分輕輕刷上，已能夠打造華麗嘅眼妝。
Crayon touch-me TM Jel Cream Cheek【顏色：Custard Pink】
售價：100円（未連稅）｜綜合評價：✭✭✭✩✩
上臉效果自然，顏色係淡淡嘅可愛粉紅。用筆刷於臉上輕輕掃上一層，再用手指點開混合，可令顏色變得均勻。
Crayon touch-me TM Jelly Lip Tint【顏色：Scarlet】
售價：100円（未連稅）｜綜合評價：✭✭✭✩✩
能夠輕鬆打造華麗妝容，鮮紅嘅顏色好顯色，非常優秀！另一方面，則容易形成不均勻狀況，技巧在於喺唇角不斷輕點塗抹補色。
Seria
Art Collection Crayon Lipstick【顏色：Classic Red】
售價：100円（未連稅）｜綜合評價：✭✭✭✭✭
非常流行嘅紅色唇膏，一旦顏色稍為顯暗，就會有望落老成嘅感覺。但呢款唇膏嘅顯色度非常好，縱向唇紋亦唔顯眼，係所有人都駕馭到嘅顏色。
Art Collection Eyebrow Powder【顏色：NB】
售價：100円（未連稅）｜綜合評價：✭✭✭✭✩
眉粉粒子幼細，深淺兩色都唔會過分強調主張，能畫出自然雙眉。淡色同時可當作鼻影使用。
Art Collection Rose Cheek【顏色：01】
售價：100円（未連稅）｜綜合評價：✭✭✭✭✩
即使係膚色較深，都可只掃一次，就掃出帶較深紅色味嘅粉紅色。可展出充分血色，同時光澤感較弱，用嚟化妝返工都非常適合。
Art Collection AT 柔滑遮瑕膏（下圖右）
售價：100円（未連稅）｜綜合評價：✭✭✭✩✩
Art Collection Beauty Face Powder【顏色：Natural】（下圖左）
售價：100円（未連稅）｜綜合評價：✭✭✭✩✩
兩款都能打造半啞光感嘅臉。雖用冇作為遮瑕膏嘅補正效果能力，但能調整表面肌膚紋理。對乾燥肌嚟講，呢種清爽感應該不太舒適。
MIO PICCIP Volume Mascara【顏色：Black】
售價：100円（未連稅）｜綜合評價：✭✭✭✩✩
比起話豐盈效果，更是能展現出自然纖長效果嘅睫毛膏。刷頭較細，即使係較細微嘅地方都能容易塗抹，而且睫毛唔會結成一塊，能好好分開成一條條。
2｜3COINS
Dear Laura Tsuya Kira Color Lame Mascara【顏色：Gold】
售價：300円（未連稅）｜綜合評價：✭✭✭✭✭
雖然係金色，但刷上時顏色唔會太浮誇，眨眼時，彷彿會發光一樣，效果非常可愛！由於係較淡嘅金色，所以即使甩色都唔會太顯眼。
Magic Closet Foundation Brush M
售價：300円（未連稅）｜綜合評價：✭✭✭✭✭
有著同cushion一樣有彈力嘅密集且超幼細毛，無論係液體定cream狀粉底都能均勻地塗到臉上。而且觸感柔軟舒服，非常優秀！
Magic Closet Eyebrow & Nose Shadow【顏色：#3】
售價：300円（未連稅）｜綜合評價：✭✭✭✭✩
粉粒幼細，能充分貼合於眉間。中間嘅顏色可作為鼻影，於眉頭向鼻樑延伸。光粉嘅顏色嘅顯色亦非常靚！
Magic Closet Cream Cheek【顏色：#2/#3】
售價：300円（未連稅）｜綜合評價：✭✭✭✭✭
上臉顯色效果同眼見嘅產品色一樣，伸展性亦佳。明明係cream狀，伸展時卻非常清爽，設計十分好。粉紅色嘅暈染狀態非常可愛！而Coral Orange色則有較為休閒嘅印象，因帶有光感，所以適合日曬肌膚。
Magic Closet Liquid Eye Shadow 2【顏色：003/001】
售價：300円（未連稅）｜綜合評價：✭✭✭✭✩
顯色度甚好，明明係液體，效果卻係semi-matte，而且唔會有不均勻情況。特別推薦有淡淡紅色感嘅003色，同光粉幼細嘅，帶高級感啡色嘅001號色。
Magic Closet 3色 Eye Shadow 2【顏色：307】
售價：300円（未連稅）｜綜合評價：✭✭✭✭✩
啡紅色眼影非常顯色，既可根據眼影盤內順序畫漸層色，亦可單色使用。因為係基本色並不誇張，任何場合都能夠使用到。
Magic Closet Eye Shadow【顏色：1524/1528】
售價：150円（未連稅）｜綜合評價：✭✩✩✩✩
驟眼望落顏色非常可愛，但可惜粉粒太粗，會令眼瞼變得明顯粉狀。綠色上眼會顯得臉色差、憔悴。
3｜Thank you Mart
L.A. COLORS 3D Blush Contour【顏色：CBL802】
售價：390円（未連稅）｜綜合評價：✭✭✭✭✩
Contour color顏色嘅Coral Orange，係可以臉頰、眼瞼兩用嘅可愛粉紅色。除咗可以單色咁用，亦都可以混合成甜美嘅粉色系一齊用。
L.A. COLORS Day To Night Eye Shadow【顏色：CES430】
售價：390円（未連稅）｜綜合評價：✭✭✭✭✩
無論係兩邊，定係中間嘅顏色，都完全冇「棄用色」，而且就如眼見嘅一樣顯色。能自由組合顏色，化妝新手都容易駕馭各種顏色，有效加強妝容嘅變換性。
L.A. COLORS Cream Lipstick【顏色：CML490】
售價：390円（未連稅）｜綜合評價：✭✭✭✩✩
顏色為深紫色，明明帶有些少油分，但上唇後唔易甩色，非常優秀！（下圖右）
L.A. COLORS Metal Liquid Lipstick【顏色：GML867】
售價：390円（未連稅）｜綜合評價：✭✭✭✩✩
一方面帶有少許銀色光，一方面同時造到matte嘅啞光感，能襯托出健康臉色。（下圖左）
4｜驚安之殿堂
Angel Heart Luxe Eye Colors【顏色：01】
售價：500円（未連稅）｜綜合評價：✭✭✭✭✭
望落似係好搶眼嘅金色，但上眼後，珍珠粒子觸感幼滑，伸展性好，能緊貼於眼瞼上。單色使用可令眼瞼更有光澤感，亦可配合手頭上有嘅啡色做混合色，增強珠光感。
Angel Heart Jewel Eye Shadow【顏色：01/05/06】
售價：350円（未連稅）｜綜合評價：✭✭✭✭✩
質感介乎cream與powder之間，既有水潤感，伸展開時，亦有乾爽觸感，光感強烈。但因為能夠均一伸展，所以毋須擔心會變成俗氣嘅效果。
Angel Heart Eye Colors【顏色：15/08】
售價：300円（未連稅）｜綜合評價：✭✭✭✭✩
只喺雙眼皮位置塗抹都已足夠顯色嘅藍色，雖然鮮色，但因為冇加入珠光色，所以塗抹上眼亦冇違和感。紫色上眼後呈啞色，同啡色混合嘅話，可以用於日常妝。兩種顏色都有充足的潮流感！
Angel Heart Eyebrow Lacquer【顏色：04】
售價：500円（未連稅）｜綜合評價：✭✭✭✭✩
大多數染眉膏質感都較黏，但呢款係較為水狀嘅濕潤感，眉毛能自然地向上翹起。但不足嘅係需時吹乾，塗抹至風乾期間需時約2分鐘。
5｜Awesome Store
#036COS Cream Cheek【顏色：LPK】
售價：390円（未連稅）｜綜合評價：✭✭✭✭✭
喺面頰骨上輕輕掃上、伸展開，就能化上淡淡嘅粉紅色胭脂。使用方法簡單快捷，適合要喺短時間內化妝時使用，顏色為自然嘅橙色系粉紅色。Creamy質感容易伸展，而且感覺水潤舒服。去Awesome Store嘅話，必買！
#036COS Eye Shadow Platte【顏色：BR】
售價：490円（未連稅）｜綜合評價：✭✭✭✩✩
色彩自然且非常上色。珠光效果唔強烈，可以平價化出貴氣眼妝。
#036COS Eyebrow Platte【顏色：NBR】
售價：490円（未連稅）｜綜合評價：✭✭✭✭✩
由光粉、中間色、深啡色組成，容易使用之餘，粉粒幼細，能毫無違和感地掩埋冒間空位。化妝新手都能輕鬆駕馭嘅眉粉粉餅。
#036COS Eye Shadow【顏色：GR/BR】
售價：290円（未連稅）｜綜合評價：✭✭✭✭✩
GR色介乎綠色同藍色之間，能簡單營造出玩味感。於雙眼皮幅度位置塗抹嘅話，可以話係零失敗塗法。BR色即使係隨意塗抹，都能顯現出亮麗顏色。珠光粒子幼細，係唔會過於閃亮嘅啡色。
#036COS Lip Bar Trio【顏色：PK】
售價：390円（未連稅）｜綜合評價：✭✭✭✩✩
由嘴唇中央向外伸展，顏色漸漸變薄形成漸層色。只需390円就能輕鬆塗出漸層超靚唇色！
