杜如風喺《關西攻略》大玩和歌山 滑翔傘 ，由大草地跑幾步就可以乘風滑出山谷，一覽和歌山全景。想一試入門級極限運動， 其實 滑翔傘 都係個唔錯嘅選擇！不過始終要飛上天，點都會有啲擔心嘅！究竟 和歌山 滑翔傘 係點玩？會唔會好貴？有咩身高年齡限制？唔使驚！以下即刻為你解答！
Q1：滑翔傘點玩法？
A：滑翔傘與跳傘一樣，都有一個導師同你一齊玩，而滑翔傘是在大草地上，跑向山崖邊，用風力昇起滑翔傘。在空中滑翔時導師會比你試試轉動方向，向左滑向右滑都得！
Q2：滑翔傘其實有幾高？
A：Up PARAGLIDER SCHOOL的場地在300米的山頂上，跑出山崖後，在空中滑翔時高度也在300~400米左右，就在和歌山紀の川前，可以睇盡四周的景色。
Q3：小朋友玩唔玩得滑翔傘？
A：滑翔傘年齡限制為14-73歲，老公公老婆婆就可以玩，小朋友就等14歲先得！身高限制最少要140cm高，體重35-90kg以內就可以玩滑翔傘。
Q4：畏高的我表示滑翔傘都怕，但又想試一試離地的感覺，可以點好？
A：畏高的你唔敢玩滑翔傘，其實可以試試半日/一日體驗！場地是一個大斜坡，由山坡頂跑幾步飄落平地，輕輕離地幾秒鐘。全程自己控制，畏高都唔怕玩啦！
Q5：滑翔傘收費？離地體驗又幾錢？
睇落咁好玩，嚟到最關心嘅問題：究竟幾錢玩一次？喺 Up PARAGLIDER SCHOOL 玩嘅話，費用已經包埋保證，咁就放心得多啦！
A：滑翔傘體驗+保險，合計 11,000円（約HK$770）
半日/一日體驗：
1日體驗+保險，合計9,200円（約HK$644）
半日體驗+保險，合計5,100円（約357港元）
Up PARAGLIDER SCHOOL
地址：紀の川市竹房391
交通：和歌山紀の川市打田駅，轉乘Up PARAGLIDER SCHOOL接駁車(需要預約)
滑翔傘體驗：10am開始，需要上網預約。
一日體驗：10am開始；
半日體驗：1:30pm開始，需要上網預約。
網頁：www.upsports.co.jp/nestschool
下一頁：睇埋杜如風《關西攻略》第四集和歌山好玩好食推介！
延伸閱讀：
《關西攻略》第一集｜又食又買「平」遊大阪
《關西攻略》第二集｜黑門市場6大推介＋梅田掃貨指南
《關西攻略》第三集｜橫丁放題食足3小時＋超正吉列和牛！
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。
