撰文：C｜圖片：Waikaru
奈良觀光新玩法！
世界文化遺產之一嘅法隆寺所在地，奈良縣斑鳩町最近展開名為「奈良斑鳩Tourism Waikaru」嘅新型觀光活動。旅客可前往位於斑鳩町法隆寺東1丁目嘅觀光案內所租借小型越野車，揸車遊玩同喺市內觀光。除咗租車之外，亦有多種體驗活動可供參與。
揸小型越野車遊覽名勝
活動以「大人的修學旅行」為主題，提供多種唔同體驗活動畀旅客參與。1架車只可載1人，而且必須持有日本當地車牌或國際車牌。租出時間為2小時，出發前須參加約30分鐘嘅講解，然後就可以「出車」前往斑鳩三塔寺等町內名勝觀光。最高時速為約30公里。連導賞嘅話，費用為4,500円/約HK$315（連寺廟參拜費用），冇導賞嘅，則只需3,500円/約HK$245。
玩盡傳統手藝體驗班
冇車牌嘅朋友都唔使怕！町內同時提供多種傳統手藝體驗班，如：茶道、製作御朱印帳、書道、製作手作豆腐等等，目前共有12種體驗班可供報名，但參加費各有不同，參與前記得先確認好價錢！（費用為額外收費，並不包括在小型越野車租車觀光plan之內。）
奈良斑鳩Tourism Waikaru
地址：奈良縣生駒郡斑鳩町法隆寺東1-6-30
營業時間：9:00am-6:00pm
休息日：逢星期三
交通：（電車）JR關西本線法隆寺站徒步20分鐘/（巴士）奈良交通中宮寺前停留所下車徒步4分鐘
預約地址：www.jalan.net/kankou/spt_guide000000203228/
下一頁：東京迪士尼樂園 預計7月起可用手機領快證｜不需排隊！迪士尼海洋同期推行
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。
大阪有什麼好去處及景點推介？
大阪自由行必去這些景點，當中包括USJ大阪環球影城，即睇USJ門票及交通攻略。然而，去旅行怎可忽視美食部分？必到這些人氣美食餐廳，當中更有蟹宴放題、平價米芝蓮餐廳之選。另外，不得不到溫泉旅館/按摩店、溫泉主題樂園、全新門真大型三井Outlet商場及臨空城OUTLET。準備到日本賞櫻花的大家，可預先一看日本櫻花花期預測。