【北海道初雪】破紀錄最早8月落雪！強風+落雨｜3℃以下寒流入侵

撰文：Yutorin｜圖片來源：株式会社りんゆう観光、Weather News JP

北海道初雪 寒流入侵

北日本受高空寒流入侵影響，據營運大雪山層雲峽黑岳纜車嘅Rinyu觀光公司所述，今朝（17日）喺北海道嘅大雪山黑岳石室附近開始降雪，8月便迎來初雪。呢個紀錄係1974年以來最早嘅一場雪，以8月初雪嚟講，則相隔15年再次迎來。

昨日（16日）因低氣壓而使日本全國受豪雨影響，低氣壓亦颳過北海道東面海域，令北海道處於該當季節以外嘅「西高東低」，冬季先有嘅氣壓配置。

颳過嘅低氣壓後方伴隨雨雲向北海道襲來，而且帶有寒氣，北海道上空近1,500m附近地方將流入約3℃寒流空氣。因此，標高1,890m附近嘅黑岳石室附近降雪，仲開始薄薄積雪。

不要強行登山

凍到落雪之餘，仲預測有15m/s嘅強風吹來，山上氣候有別於夏季該有模樣，如果非要登山，就必須做好防寒裝備，多加厚衣。強風冷雨有機會引致低溫症而出意外，對身體狀況同所持裝備冇十足把握嘅，謹記唔好登山！

星期六（18日）低氣壓同寒流會向東面遠離，天氣預測會回復穩定。