【京都鹿熱到跳海】今年日本夏天熱到暈，唔少地區都錄得史上最高的溫度，京都亦唔例外，7月19日出現過39.8度，是由1880年起，有紀錄以來最高的溫度！最近有當地人拍到鹿仔走到海中降溫，唔通熱到傻咗？
撰文：主場・日本 | 圖片來源：網上截圖
鹿仔突然出現嚇親泳客
話說於8月5日，京都府舞鶴市的「竜宮浜海水浴場」，突然來了一名「不速之客」！牠是一隻超過1米長的雄鹿，當日氣溫高達36.2度，專家表示牠應該是想降溫，所以衝去海灘降溫！
雖然突然出現鹿仔令泳客嚇了一大跳，但跳入海中之後，牠便安靜下來，有泳客更覺鹿仔好似好舒服！香港人咁鍾意去日本睇鹿，係咪好羨慕可以同鹿仔玩水的京都人呢？
Tags :
京都