今個星期堅嬲！話說月初K11開咗間抹茶甜品店，一眾記者收到的press release都大大隻字寫住「京都三百年茶舖 丸久小山園登陸香港」，但就有台灣網民踢爆，話打電話問過 京都丸久小山園 ，對方答話根本冇海外分店！香港、台灣咁多抹茶控，當然大家即時向「香港店」求證！而「丸久小山園－香港」亦在facebook回應，話自己係「官方授權加盟店」！結果呢？今日發出聲明，話「被誤解為日本丸久小山園的直營店」，我估大家冇「誤解」，唔好屈我哋！佢擺明想魚目混珠，唔係點解要改自己個名做「丸久小山園-香港」？而依家被踢爆，又改為「京都抹茶庵」，好明顯係想呃晒所有人啦！佢其實只係出售正貨商品，其他甜品全部都係「自家香港製」，唔怪得食過的人都話麻麻哋啦！我明明喺京都食過，個roll cake同軟雪糕好食到暈呀！大家唔好因為呢件事影響咗對日本店的印象，去京都真係要試試！
攝影師：Wing Ng model：Hillary Lau@Style
京都唯一｜茶房「元庵」
丸久小山園 只有一間cafe，就是位於京都市內的茶房「元庵」，店內只有13個座位，主要供應抹茶、玉露等自家出品的茶，還有少量的抹茶甜品，包括最人氣的roll cake及雪糕。Roll cake非常鬆軟，抹茶味甘香，入面的鮮忌廉及抹茶忌廉又軟又滑，整體不是太甜。
Take away必食抹茶軟雪糕
如果行程緊迫，冇時間坐低慢慢食，可試外賣抹茶軟雪糕，每一口都好像吃着超濃縮的抹茶一樣，香濃而回甘，絕對是京都no.1 ！
丸久小山園 西洞院店 茶房「元庵」
地址：京都市中京區西洞院通御池下兒西側
電話：+81（0）75-223-0909
營業時間：9:30am-6:00pm，逢星期三休息（茶房10:30am-5:00pm）
網址：www.marukyu-koyamaen.co.jp/motoan.html
交通：地下鐵烏丸御池或二條城前站步行約6分鐘
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。
