【國泰港龍新航點】以香港飛日本直航航線嚟講，貌似係香港快運最多航點，例如飛廣島、熊本、高松等新興旅遊熱點，航空公司選擇並唔多。對於鍾意去新興日本旅遊地嘅你，依家就有個好消息喇！國泰港龍宣布將增設飛日本德島直航航線！
撰文：Ry｜圖片來源：國泰港龍航空、日本國家旅遊局
國泰港龍新航點 直飛日本德島
國泰港龍航空宣布將於12月19日起，正式增設香港～日本德島直航航線。
由12月19日起至2019年3月30日，將由空中巴士A320型客機，每周運行2航班。截至目前為止，國泰港龍航空都有以包機形式飛德島。因為大受歡迎，而決定將航線轉為季節定期航班。以後去四國玩就方便得多啦！
自此之後，國泰集團嘅日本直航航點就擴大到7都市。而今年開設嘅路線有布魯塞爾、哥本哈根、都柏林、南寧、濟南，今後即將開設嘅航線則預期為美國華盛頓、菲律賓達沃、印尼棉蘭、南非開普敦。
預定運航時間：
KA323 德島（16:30）～香港（20:10）/星期三
KA323 德島（17:00）～香港（21:00）/星期六
KA322 香港（9:30）～德島（14:00）/星期三・六
下一頁：樂桃航空新航線｜東北海道釧路之旅｜比ANA便宜近7倍！