相片來源：新傳媒資料庫
01｜旅遊區葡菜秘店 Castiço
官也街一帶有唔少葡菜餐廳，位於橫巷內嘅 Castiço 門面毫不起眼，不過一推門步入，一室都係葡式陳設，加上不斷播放的葡語頻道，「葡味」勁濃。由葡籍主廚烹調嘅菜式亦非常正宗，大部分食材來自葡萄牙，馬介休、炒蜆當然榜上有名，不過少見嘅「純種」葡菜如葡式牛扒、餅乾布甸等都列入菜單，值得一試！
地址：澳門氹仔舊城區施督憲正街65B新興花園地下B
電話：853-2857 6505
營業時間：11:00am-11:00pm，逢星期四休息
02｜名不虛傳 我的意大利廚房
裝修同其他傳統意大利餐廳無異，位置雖然稍為偏遠，但仍然客似雲來，吸引唔少食客光臨。其中推介生牛肉 cappaccio，可以品嘗到牛肉風味嘅最佳菜式，想去品嘗正宗意大利菜風味嘅記得預早book定位啦！
地址：澳門氹仔舊城區排角路6-12號泉福新村偉興閣地下AD-AF舖
電話：853-2882 7818
營業時間：星期一至日12:00nn-11:00pm
至抵小提示：依家用Visa 卡去我的意大利廚房惠顧可獲贈甜品乙客！
03｜回甘海鮮飯 葡國美食天地
呢間葡國餐廳極受本地人喜愛，賣嘅唔係澳葡混搭菜式，由於老闆大廚都來自葡國，所以店內供應家鄉傳統菜，其中以燒物最出色，廚房特設巨型木烤爐，即叫即燒，有燒沙甸魚、鵪鶉蛋等，就連少見嘅烤野豬都有。另外必點葡式海鮮飯，入口鮮味回甘，不容錯過。
地址：澳門氹仔舊城區生央街15C-D號
電話：853-2882 5354
營業時間：星期二至日12:30pm-2:15pm， 6:45pm-10:00pm，星期一休息
04｜時尚歐陸情調 塔巴斯西班牙小館
塔巴斯嘅地中海風格為餐廳添上歐陸情調色彩，店內散發住愜意閒適氣氛，同朋友飲下嘢、食啲精緻嘅餐前小吃、傾下偈咁，感覺好chill。樓上以天花壁畫布置，三樓更有露台位置，天氣涼爽時坐喺戶外用餐都係另一種情趣。必點西班牙海鮮飯，海鮮分量好足料，一啲都唔吝嗇，而且好新鮮，飯粒彈牙，味道滿分。
地址：澳門 氹仔 木鐸街9號
電話：853-2857 6626
營業時間：星期日至四12:00nn-12:00mn 星期五至六12:00nn-1:00am
至抵小提示：依家用 Visa 卡去塔巴斯西班牙小館惠顧尊享自選餐牌食品 9 折優惠！
05｜法國藍帶女餅師 卡夫卡
卡夫卡由Jerry 和Nicole 兩口子打理，曾創出3小時全店甜點售罄傳奇。Nicole曾遠赴法國留學，到藍帶廚藝學院學藝，將對法國甜品嘅執着帶到澳門開店。食材用料講究、糕點例必每朝製作、每日限量供應幾十件，食過嘅人都表示水準可媲美五星酒店餅房。
