撰文：GOtrip編輯部｜圖片來源：MUJI官方網頁
01 | 旅行必需－便攜容器
去旅行就係要放鬆，唔想去程已經一袋二袋？無印不同設計、不同容量的便攜容器，方便你把家裡大大瓶的保養品都裝到一個小瓶裡，輕鬆去旅行冇難度。
02｜輕裝護理－便攜式牙刷套裝
去旅行帶的日常用品愈輕便愈好，這款便攜式牙刷套裝包括摺合式牙刷及便攜式漱口杯，兩者細小輕薄，方便攜帶，絕對是搭飛機去旅行的好幫手！
特別是搭長途機、經常要出外公幹的朋友就更適合！坐飛機睡醒怕口臭會影響別人，就可以拿這個杯去廁所漱口，方便攜帶又環保。
03 | 潔膚濕紙巾、便攜式鞋用清潔紙巾
去旅行最驟忌帶太多液體，放在行李箱內擔心會打翻弄髒東西，可以手攜上機的容量又有限。不妨考慮使用包裝的濕紙巾，輕便一包就可以清潔肌膚或鞋子。
04 | 女生旅行必備－超輕便的直髮夾與風筒
直髮夾和風筒是女生們一覺睡醒後的救星－幫助整理睡醒後的一頭亂髮 ! 可是，去旅行帶起來好像不太方便，間中都要捨棄它們。但無印良品的這個直髮夾充電器，不用連著電線也能單獨使用，非常方便！
05 | 遮蓋睡相的好法寶－多用途連帽頸枕
去旅行坐完長途機又要坐長途巴士，最好嘅消磨時間一定是睡覺！想瞓得舒舒服服又唔想被周圍嘅人睇到你睡死了嘅睡相？ 無印 呢款連帽頸枕就啱晒你喇！除了可以畀條頸一個好依靠之外，仲可以用附有的連帽蓋住臉，能遮掩到陽光外，還可掩藏你唔見得人嘅睡相。
06 | 多功能迷你隨身掛件
這些隨身小工具雖然體積細細，卻用途多多！這些隨身小工具個個有不同用途，有「溫濕度計」、「步數計」、「LED燈」、「小型鬧鐘」等8個款式功能等等，價錢由HK$50-100不等。編輯身為一個「路盲」同「腦盲」，隨身帶住呢個小小指南針同小小鬧鐘就啱晒我喇！
甚至乎開始有少少老花，又唔想戴老花眼鏡？ 有咗呢個「隨身掛放大鏡」，就唔使袋住副「老土眼鏡」出街啦！
07 | 超方便！ 可隨處掛化妝袋
去旅行就當然要化番個靚妝影相放 Ig 啦！但喺酒店攤晒啲化妝品出嚟化妝，執漏一件走都肉赤死！呢款旅行掛鈎袋就可以解決這個問題喇！佢嘅尺寸足夠收納一般旅行所需嘅日用品，要用的時候就可以打開掛起來使用，用畢就把拉鏈拉起來，整個帶走，真係十分之方便呀！
08 | 幫你輕鬆整理行李－滑翔傘布料存衣袋
滑翔傘布使用纖細的尼龍紗製成，而且採用格紋防破裂布，能抗高度拉扯，不易破裂之餘，又能達到「輕巧」效果 ! 所以這個「小巧可摺疊且攜帶方便」的滑翔傘布料存衣袋，絕對推介給每一位喜歡去旅行的你。
這種衣物袋分為中、小尺寸， 價錢分別為HK$78、HK$90。
09｜節省空間－壓縮存衣袋
如果想節省行李空間收納衣物的話，可以使用壓縮存衣袋，簡單用手就可以排走袋中的空氣，把衣物的體積縮細。一個壓縮存衣袋可以收納到2-4件上衣、薄外套及毛衣。