最近天氣不熱不冷，最適合去 行山 啦！又適逢劉青雲義助旅發局宣傳山徑，睇完都好心動，但總是只差一點點⋯⋯設備不整全，行山的意慾亦大大降低。等等⋯⋯剛剛見到有個型男用IKEA購物袋就造了個行山背囊，點解會整到嘅？好神奇啊！不如一齊睇睇啦！
撰文：Ariel ｜圖片：SandiegoMitch（原文刊於《新假期》）
01 | IKEA行山袋 $15 完成 製作成本超平
外面賣的行山背囊貴則幾千，平則幾百，但這個全手工製作的行山背囊只需$15，就能擁有。三個IKEA的藍色大環保袋FRAKTA，搖身一變，就能變成一個價值不菲的行山背囊，真係抵到爆！
02 | 藍黃配色 外觀夠晒型
當然，這個行山背囊沒有專業的來得靚，但亦不會一眼看穿是$15貨色。全個背囊以藍黃配色，亦不會太俗。說實在，記者第一眼亦沒有看出是IKEA環保袋。
03 | 性價比極高
行山最怕肩背痛，而這個環保背包因為是由三個超輕環保袋縫出，非常輕便。雖然盛載重量也有一定限度，但據設計者試用，這個背囊真的能載上行山用品！加上，這個藍色環保行山背包超輕，亦有防水效果，突然遇上驟雨亦「冇有怕」啦！
型男教學如下：
製作15″ 闊and 7″ 深的IKEA背囊
1)使用 3 個 IKEA 手提袋，剪開及攤平，再縫合成以下形狀（尺寸如圖）：
2)用潛水服的一部分作為襯墊，包上在一些便宜的織物，以作背帶承托，用舊背囊的背帶亦可。
3)將所有部件，例如網布（用作袋內暗格）、背帶和腰帶縫到IKEA材料上。
4)把背包側面與底部縫合。
5)背包頂蓋以可捲縮的設計製作，以保持背包防水效果。
6)完成！可以帶你的心血結晶去行山啦！
看完教學是否覺得 DIY 一個也沒有想像中這麼困難呢？趁著最近天氣好，不如快手整一個屬於自己的行山背囊啦！還可以發揮一下你的小宇宙，用不同環保袋組合一個與眾不同的行山背囊！
