圖片來源：網上圖片
01 | 「叫你早收工」 VS 「OT老馮、冇得放工」
雖然國際 iBanks，律師行，都係有番工，無放工，但普通打一份工，外國公司比華人公司平均工時都要短。有時星期五，外國 Boss仲會叫你同佢一齊happy hour，4點就好收工啦！相反，華人老闆可能會叫你星期五好做晒啲嘢佢，下星期比番佢睇！
02 | 「性格隨和」 VS 「神經質易抓狂」
每個打工仔都驚做錯嘢俾老闆鬧，外國 Boss 都唔會一嚟就發脾氣，仲可能會鼓勵你，叫你改番好就得。相比之下，華人老闆可能會對住你咆哮，「小小嘢都做唔到？」成日戰戰兢兢。
03 |「加人工疏爽」VS「諸多推搪」
日做夜做咁辛苦，最想得到回報加人工。一般嚟講，只要你勤力又幫到手，外國 Boss 喺加人工方面都比較疏爽。華人老闆到年尾雙糧就會變出百樣藉口，唔出雙糧，就算公司賺錢都唔捨得加！
04 | 下午打風 老闆安排大不同
天有不測之風雲，打風嗰時大家都緊貼消息，睇下有冇得早走。如果知道 5 點掛 8 號風球，外國 Boss 會叫大家食完個 lunch 就好返屋企！但華人老闆就未必啦，可能叫你最後一刻先走，點解咁講？因為仲有地鐵可以搭！
05 | 放假安排規矩多多
放假緊係開心啦！外國 Boss 或公司 annual leave，加上聖誕節休假 12 日。但一般華人公司，跟足勞工法例有 7 日 Annual Leave，申請 Annual Leave 都要早早比書面通知再等公司批，跟足規則，無咩彈性。
06 | 放假過後閒聊內容
星期一早上，外國 Boss 會問你週末去咗邊玩，一齊分享，大家有講有笑。但華人老闆一開口都係講公事，問交低比你嘅嘢做好未，都無咩感情交流。
07 | 放工時間，華人老闆照call你！
難得放假，外國 Boss 知道你消失咗就唔會搵你，但華人老闆就算放假都會搵你 follow 公事，小至whatsapp，大至電話急call！
08 | 聽到你要辭職時嘅反應
當你同佢講辭職，外國Boss 會問你原因，可能係公司有令你發展唔到嘅地方？或者仲會祝福你事業順利，歡迎再聯絡。但華人老闆呢一般都無咩說話要同你講，收咗你封辭職信之後，你都唔好望會幫你寫Reference，再見！
講咁多好似華人老闆無個好？又唔洗咁灰，華人都有好老闆，外國人都有衰老闆。不論咩國籍，員工同老闆有良好關係，都可以令大家工作時開心啲，工作效率都可以提升！趁今日Hug Your Boss Day，好好表達下對老闆嘅感謝啦。(一齊去中秋 BBQ 都係一個好方法。)
網友回應：天下波士一樣衰！
雖然本文嘗試列出「中外老細文化差異」，但網友亦有不同看法，尤其是真正服待過外籍老闆的網友，直指外國老闆「污糟」、「刻薄」不遜本地波士！
結論：管理失效 無分國界！
打工仔必睇電影：《辦公室大狂殺》
【膽小慎入】辦公室向來都係互相廝殺的地方，這齣荷里活電影就將「大逃殺」的玩法搬入Office，又來一場人性大考驗⋯⋯▼轉工算吧！日本打工仔點評20個轉工徵兆www.gotrip.hk/?p=237565▼究竟一間崩壞的公司有何跡象？www.gotrip.hk/?p=227056▼ 邊度打工最開心？ | 各地 有薪年假 比較www.gotrip.hk/?p=159187 #GOtrip打工仔
Posted by GOtrip 旅遊看世界 on Friday, March 17, 2017
下一頁：身邊有好同事嗎 ? 好同事會做的 7 大窩心行為
