對遊客來說，整個行程是窮遊還是豪遊，其中一個關鍵就是外幣的兌換率，出發前每天mon實匯率，見到價位不錯就馬上換錢，可以說是每位香港人出發前的寫照。早前Google就公佈了「香港2015熱爆外匯兌換搜尋排行榜」，馬上和大家公佈最熱門的頭3位！
No.3 韓圜
自從韓流襲港，去韓國嘅香港人一年比一年多，加上韓國政府推出唔少有利旅客嘅措施，令到越嚟越多人去韓國玩，睇返呢一年嘅匯率，年頭到年尾總共下跌8.45%，有大行估計，韓圜兑港元明年或要跌穿160大關，重返2010年6月時低位，大家準備好去韓國入貨未？
資料來源：YAHOO!財經
No.2 紐西蘭元
紐西蘭出名靚景多，係唔少港人去長途旅行嘅選擇之一，睇返呢一年，紐元兌港幣嘅匯下跌超過13%！而自從巴黎發生恐怖襲擊之後，都多咗香港人去澳洲同紐西蘭玩，不過有經濟學家分析嚟緊紐元匯價應該會上升，打算去玩嘅朋友要睇實啊！
資料來源：YAHOO!財經
相關文章：【遺忘地圖】而我不知道紐西蘭在哪裡？
No.1 日圓
登登登登！相信唔少人都估到排頭位嘅就係港人最愛嘅日本啦！年頭到宜家雖然跌幅唔大，但因為由2011年10月試過最高峰的「10算」後，日圓就開始不停跌，所以日圓個價算係keep住唔錯，加上明年開始買夠5,001円就可以免稅，日圓又有望繼續跌，一年去幾次日本絕非難事啊！
資料來源：YAHOO!財經
