Check-in 前必知 | 6 類必須 寄艙手信

文：Sammi | 資料來源： 香港國際機場

01 |寄艙手信 護膚品－液體過 100ml 記得寄艙

無論你去咩國家，一定會有人想託大家買當地有名嘅護膚品。但係大家要記住 100 毫升以上嘅液體就要 寄艙 。因為每名旅客只可攜帶每項總容量不得超過 100 毫升嘅液體上機，並載於1個容量不超過 1 公升的可再封口透明膠袋內。

所以，如果大家的手信係以下咁多項，而又超過 100 毫升就要寄艙喇！

• 凝膠狀物體，如髮膠或沐浴露
• 乳霜及液體，如太陽油或香體露
• 膏狀物體，如牙膏或凡士林
• 壓縮泡沫及噴霧，如剃鬚泡沫或壓縮香體露
• 液體化妝品，如粉底或唇彩

02 |寄艙手信 食物篇－膏狀食物都要寄艙

自己又好，身邊朋友係食貨又好！都好想帶當地的特產返屋企俾自己自私食或者開心分享。但大家都要注意以下的食物一定要寄艙。

• 飲料，例如水、湯、糖漿、果醬、燉煮的食物、醬汁
• 膏狀的食物 ，例如乳酪、布甸和啫喱
• 在醬汁中或含有液體的食物，例如泡菜
• 漁產品（包括魚類及若干甲殼類動物如蝦、龍蝦、非鮮活青口及非鮮活蠔）方面，旅客可攜帶合共不超過 20 公斤的有關產品，或1條重量達 20 公斤或以上的魚
• 可攜帶不多於 2 公斤的嬰兒奶粉、嬰兒食品及醫療用特殊食品／特殊寵物食品

小提示：為顧及其他旅客，味道強烈的食物，包括榴槤及大樹菠蘿，某些航空公司，如國泰航空是禁止遊客攜帶的，不管是手提及寄艙行李。

03 | 尖端或鋒利邊緣的物品

眉毛剪、鼻毛剪或者買當地的小型萬用刀的話，就要留意唔係咩刀都可以帶上機！基本上好多尖端或鋒利邊緣的物品都被列入違禁物品，不可以帶上機，一定要寄艙。

• 眉毛剪、鼻毛剪等美容用剪刀、攜帶型裁縫用的剪刀等小剪刀，小剪刀係刀身要小於6 cm

• 美體刀等小剃刀，小剃刀係刀身要小於4cm
• T 字形刮鬍刀
• 指甲剪
• 美工刀

04 | 自拍神器

自拍神器好好用，但都要寄艙，因為附有刀刃或附有長度大於6 厘米的軸杆並能被用作武器的工具。不過現時有不少自拍神器內置電源，而新例下，大部分有內置電源的物品都要放入手提行李，不想之後麻煩，最好先問清楚航空公司的做法。

05 | 大型樂器必須寄艙

可能大家會買樂器送俾人，不過大型樂器係要寄艙。但點先要寄艙？就係樂器尺寸超過 93 x 39 x 24 厘米 或 36 x 15 x 9 吋（高 x 闊 x 深），重量超過 7 公斤，即係15 磅。

小提示：尺寸同重量的量度包括樂器箱。

06 | 單車

杜如風去名古屋都有介紹單車零件專賣店- Order Made Shop Riderz Café。如果你朋友係單車控，就點都要寄艙，但要注意以下事項先可以將單車寄艙。

• 非電動旅行用或單座比賽用單車
• 把手固定於兩側或與車架平衡並以泡沫塑料或類似物料包裹
• 腳踏被移除或固定於車架上並以泡沫塑料或類似物料包裹
• 輪胎已放氣
• 已裝入堅硬的保護盒或單車盒中