撰文：C｜圖片：Instagram、網絡
2019年旅行地點推薦
根據Booking.com嘅調查，有45%海外旅行者希望「2019年傾向選擇比2018年更有冒險性嘅旅行地點」，其中以18～34歲嘅年輕世代佔最高比率。另一方面，有51％回答者回答「2019年想去朋友之間仲未有人去過嘅地方」，而25～34歲回答者中，有60％希望「旅行能令有薪假用得更為充實」。
1｜瓦地倫・約旦
位於約旦嘅瓦地倫曾作為唔少超大型製作嘅電影拍攝舞台，擁有不負期待嘅壯闊沙漠及荒野。壯大嘅沙岩形成綿延嘅啡紅色山谷，由先史時代延續至今嘅岩石編織成具震懾力嘅風景，完全遠離都市日常生活。
若想體驗一下完完全全於大自然之中生活嘅話，係個唔錯嘅選擇。而且有恍如身處火星嘅感覺，有機會帶畀你好似去咗第二個星球咁嘅特別氣氛。推薦重點為超靚日落及觀星，當然唔少得睇沙漠啦！
2｜撒馬爾罕・烏茲別克
位於烏茲別克嘅撒馬爾罕，被喻為喺古代絲綢之路中最為繁榮嘅地方，亦係中東地方其中一個持續有人居住嘅最古老街區，歷經幾百年歷史，並成為世界文化中心地。
街道上充斥住登錄於世界遺產嘅中世紀建築物及紀念碑。其中最為出名嘅，係入選為「世界上最美麗廣場排名」之一嘅雷吉斯坦廣場。
廣場建築物均鑲嵌著細密花紋圖案、金箔以及書法裝飾。撒馬爾罕最為醉人嘅，就要數古代遺跡、建築物及歷史了。
3｜巴卡拉爾・墨西哥
墨西哥巴卡拉爾擁有被喻為「僅次於馬爾代夫」嘅美麗湖泊，以「七彩湖」聞名，被大自然包圍嘅美麗地方。
清澄透明嘅淡水配以幼白沙灘，綻放著綠松藍色光澤，係潛水及浮潛嘅絕好之地。湖岸有間小小嘅漁師屋，喺該處品嘗新鮮海鮮，係巴卡拉爾嘅熱門活動。受各大旅行者歡迎嘅原因係夠晒安靜，能夠令人身心放鬆。
4｜瓦爾扎扎特・摩洛哥
作為撒哈拉沙漠入口而聞名嘅瓦爾扎扎特，位於摩洛哥優美嘅阿特拉斯山脈以南，以埃本哈杜古城最為人所知。
距離能觀賞到令人陶醉不已嘅日出、日落絕景嘅古代都市非常近，如果想喺呢個區域探險嘅話，推薦乘坐四輪電單車於沙塵上穿梭。
此處亦多次被選為電影及電視連續劇取景地，同時更有機會參觀當地電影廠。想於安靜嘅大自然中慢慢觀光，瓦爾扎扎特會係個好選擇！
5｜帕洛米諾・哥倫比亞
帕洛米諾位處於海灘邊，係到訪哥倫比亞必去嘅小鎮之一，遊客可以喺呢度體驗各種不同活動。
面對加勒比海嘅靚景海灘，除咗必試嘅滑浪同日光浴之外，更可以睇到大嘴鳥、馬騮等野生動物。同時又可以挑戰坐水泡由帕洛米諾河滑出加勒比海玩「Tubing」。
想望住超靚海景過輕鬆放鬆嘅日子，就要試下去帕洛米諾玩喇！
6｜梅斯蒂亞・格魯吉亞
位於格魯吉亞西北方向嘅梅斯蒂亞，處於海拔1,500m嘅高地位置。
鍾意接觸當地歷史嘅旅客，可前往充斥該處歷史及文化嘅Svaneti歷史民俗博物館；鍾意戶外活動嘅遊客，則可攀登高加索山脈嘅傾斜地，又或以Chalaadi Glacier冰川為目的地嘅行山路線、邊欣賞位於烏什巴山之中嘅湖泊絕景邊慢步嘅觀光路線等等。
富有當地特色嘅Svan料理，如肉餡pie「Kubdari」、加入咗芝士嘅薯蓉等，有著多款連美食達人都愛不釋手嘅美食。
7｜基加利・盧旺達
被稱為「千丘之國」嘅盧旺達，近年變得愈來愈容易到訪，並聚集咗好多來自世界各地嘅旅遊愛好者。特別係觀賞棲息於火山國立公園嘅山地大猩猩最為高人氣！
另一方面，Akagera National Park中可一口氣睇勻獅子、犀牛、大象、水牛等大型動物。基加利被視為係非洲全土地最安全，而且最具魅力嘅首都，近10年嘅經濟發展穩定，有豐富嘅飲食文化及熱鬧嘅市場，連夜生活玩樂都一應俱全。
當地人親切好客，有興趣嘅，快啲做多啲功課啦！
8｜呂伐登・荷蘭
呂伐登係充滿荷蘭慢生活氣氛，有眾多博物館、購物地區、美食熱點嘅地方。
由於經常舉辦高質文化性質活動及展覽會，於2018年得到「文化之都」嘅美稱。
可以踩單車環繞小鎮，到訪博物館學習關於菲士蘭洲嘅秘藏、觀賞呂伐登斜塔、到Boomsma Museum試飲啤酒等等，輕鬆地走訪各種特色場所。喺舊式街道散步，實為旅行一大享受。
9｜卡薩米里・阿爾巴尼亞
位於阿爾巴尼亞南部嘅卡薩米里，係一個擁有超靚隱藏海灘嘅小鎮。
透明度高嘅海水有如閃耀嘅水晶，海灘遠離繁囂，又可到餐廳恬靜舒服地用餐。
從水底湧出嘅泡沫有如眼睛一樣，並因而有著「Blue Eye」稱號嘅Syri i Kalter、登錄於世界遺產嘅都市遺跡布特林特等，都係旅遊卡薩米里時值得一去嘅地方。
10｜珀尼達島・印尼
講到印尼，大多數人都只會諗起吉利島、峇里島等人氣景點，而珀尼達島係較少人知嘅印尼「秘島」。
珀尼達島位於峇里島嘅西南方，擁有未被破壞嘅自然景觀。
可盡情玩浮潛、前往Pura Goa Giri Putri洞窟寺院參拜、拜訪Angel’s Billabong等自然奇觀。
