每到10月至11月，多個國家赤道以南的國家，都會開滿藍花楹（Jacaranda），墨西哥、巴西、澳洲等都可以搵到 花隧道 蹤影，不過還是以南非的最為壯觀！
南非行政首都普勒托利亞（Pretoria）更被稱為「藍花楹之都」，這種南半球特有的樹種，台灣和香港都有引入栽培（香港嘉道理農場和沙田公園有少量），但若要欣賞大片 花隧道 盛開的景象，首選仍然是Pretoria，靚景經網絡散播，最受感染的，原來係日本旅客，據報單是去年花期，城中酒店超過80%住客都係來自日本！據來自約翰內斯堡的”Planet Africa Tours”負責人向傳媒透露，日本賞花迷簡直當咗藍花楹係櫻花一樣，帶齊地席同傳統服飾，甚至喺花樹下作詩，除咗瘋狂影相，賞花得賞得格外優雅！
事實上，Pretoria全城有足足6萬多棵紫花樹，盛開時一株株密集緊接填滿天際線，足以將整座城市染成紫色！企到在高處俯瞰，更加可以目擊由遠到近，淹沒在春花海洋的紫浪實況，浪漫值高企！人行路上，場面更壯觀，抬頭就係巨型紫傘，到11月花落之時，路面變成紫色地毯，在空氣中都瀰漫著花香，視覺衝擊，夢幻場境，屬人生必到花隧道！即睇網民近年影過嘅靚相：
