飛去東京幾十次，經常被朋友問到「香港飛東京會否看到富士山？」，畀個好簡單貼士大家︰上機揀位要「左去右回」，至於具體的班次，以下有一點點心得：
香港去東京，廉航都睇到！
通常香港飛羽田的航線都可以高空俯瞰富士山，去程最好坐早機（例如日航JL736、國泰CX548/CX504等），只要唔好瞓到冧，揀左側靠窗的A位，天朗氣清的話，十拿九穩可以睇到又影到，咪以為日航國泰先睇到，就連廉航HK EXPRESS班羽田凌晨機（UO 624）直頭可以睇到日出富士！
東京返香港，睇富士山坐邊面？
回程香港，無論是羽田定成田，只要太陽落山前出發（包括全日空NH859、日航JL29 、國泰CX543/CX501等），坐右邊窗口位，起飛約15分鐘，大家記得打醒精神，富士山隨時就會出現。