對於我Holiday這等消費精嚟講，用信用卡簽帳當然最好，因為可以唔驚唔覺儲分換獎賞。同枱食lunch嘅同事April都話︰「依家樣樣都做儲分，屬回饋性優惠，你消費得多，獲得嘅積分就愈多，好fair呀！而且信用卡簽帳各有不同賺取積分嘅方法，只睇你識唔識用啫！」
依家各式信用卡除咗迎新獎賞同食飯折扣外，基本上冇乜特別優惠，所以當Holiday發現「一簽兩賺」呢種簽帳新玩法，就立即同好友姊妹分享。上網詳細翻查資料，原來「一簽兩賺」嘅概念係畀「亞洲萬里通」會員只需要一次消費，就可以同時賺取「亞洲萬里通」夥伴機構及信用卡簽帳嘅兩重里數，加快儲里數嘅速度。至於「亞洲萬里通」嘅夥伴機構名單長到不得了，包括英皇酒店集團、Tiffany & Co.、保誠保險、深圳航空、德國漢莎航空、奧地利航空……消費旅遊各個層面商戶都有。至於信用卡就有渣打、美國運通、中銀、星展等等。
高低消費一樣賺到盡
「一簽兩賺」的好處在於消費層面夠闊，打破「Asia Miles通」慣常以買機票賺里數嘅印象，好似如果準備結婚嘅朋友，由依家至11月30日前，去謝瑞麟購買指定珠寶鑽飾或足金首飾滿4,000港元，就可賺取額外里數；滿40,000港元或以上就可賺取高達18,000里數之多 ！之後再以信用卡簽帳賺第二重里數，話咁快可以兌換個蜜月假期。以為只係高消費先享用到「一簽兩賺」？平常至洗衫都一樣得！即日至11月30日到雅潔洗衣惠顧淨額全單滿150港元，又可以同時獲享雙倍里數優惠（每8港元=10里數），以及信用卡簽帳嘅獎賞。
至於Holiday就睇中AEROSOLES同Columbia，前者現時買滿每500港元，就可以獲8港元=5里數優惠，趁轉季入手兩、三對新鞋，話咁易就滿500港元兼獲兩重里數，所以已經同姊妹及姨媽姑姐講聲買鞋搵埋我，等我密密簽。而後者嘅消費條件一樣，每滿500港元就賺8港元=5里數獎賞，準備秋冬季去行山或滑雪旅遊置裝最perfect啦！
提提你，若果記唔到咁多間商戶名，Holiday提提你入座/訂位時，或者埋單時，主動問下商戶係咪「亞洲萬里通」嘅合作夥伴，接受邊一款聯營信用卡，方可穩賺兩重里數，實行密密賺、賺到盡。
詳情︰www.asiamiles.com/am/zh/about/press
