去韓國、日本好多人都唔鐘意跟團，但唔識路時經常雞同鴨講，睇地圖又全部韓文，令不少人對自由行遊韓卻步。不過最近韓國資訊網推出了韓國地圖中文版App，仲附有飲食推介，馬上睇下新地圖App有幾方便！
1. 中文版面！唔使再GOOGLE TRANSLATE
呢個中文版韓國地圖App係由內地韓國資訊網「韓巢」推出，所以唯一不足係要睇簡體，不過去旅行，睇簡體字好過睇韓文，起碼你睇得明先，唔使再google translate！
個App可以打中文或者韓文，就搵到目的地！
2. 方便易用！輕鬆搵到地鐵路線！
App除了提供中文版韓國地圖，仲有得睇地鐵路線圖，可以搜尋各個地鐵站位置，啱曬經常搭地鐵去目的地嘅遊客！只要輸入出發點同你要去嘅終點站名，App就會自動搜索。除咗首爾鐵路，仲可以揀釜山、大邱、大田、光州等地。
除了顯示中文和韓文地鐵站名，更提供車票價錢、車程需時、停幾多個站等資訊。如果你想知回程點搭，只要按回程搜索就得，唔駛重新再輸入資料！若果車程中途要轉線，App亦會顯示你需於那個站轉乘，路痴都識用呀！仲有得係地圖上睇到去到邊個站，包唔會迷路。
3. 懶人必備！食住玩行程推介！
App仲有個對旅客非常有用的功能，只要你輸入關鍵詞，例如「五花肉」，佢就會顯示相關店舖，去韓國做功課都方便點。內裡仲有人氣地點推介，有齊晒地點、電話等資料，非常方便！
Android和Apple都有得免費下載！計劃去韓國自由行的朋友們，download 定個 app 旁身！