宜家出外旅遊最緊要係咩？梗係方便啦！訂酒店機票，全部網上搞掂。而出外旅遊用錢就當然係一卡在手無煩惱。唔使周圍格價唱錢，又唔使拎住一疊二疊外幣通街走。不過一般在海外以Visa或Master信用卡簽帳，都要收手續費。所以號稱零手續費、多優惠的銀聯卡，就吸引到愈來愈多人申請啦！不過原來海外使用銀聯信用卡，都有3個重點要留意。
撰文： Yuki@新假期周刊
01 | 唔係張張銀聯卡都免手續費
香港市面可以申請到的大部分銀聯信用卡，在海外簽帳時，銀行及銀聯公司均無外幣轉換費和額外收費。但原來匯豐及恒生的銀聯卡，兩者分別會收1%及1.2%手續費。以簽帳¥10,000為例，在無手續費的情況下，大約就比644港元；但如果要手續費，就要比多 6-7 蚊。雖然唔係大數目，但小數怕長計，如果想做到最抵，就出張免手續費的銀聯卡啦！
| 銀聯卡發卡銀行 | 額外手續費 |
| 中銀、大新、花旗、東亞、渣打等 | 0% |
| 匯豐 | 1% |
| 恒生 | 1.2% |
02 | 唔好一卡銀聯走天涯
大家千祈唔好以為銀聯卡在東南亞大城市愈來愈流通，就想一張銀聯卡走遍天下，唔係個個地方都奉旨有銀聯嫁。去年有港女出post大鬧日本廉航，勁插人地唔收佢張銀聯卡。最後，仲比網民大起底。唔想下個到你，就要吸取經驗，事前做下research，或者帶多張 Visa傍身，就唔使搞到手忙腳亂啦！
03 | 邊度用銀聯卡最優惠？
銀聯卡另一個賣點係優惠夠多，不少港人最愛的日、韓商店都有優惠，連埋退稅最多打8折！不過部份要用白金等級或以上的銀聯卡才可以享有優惠，又或者規矩多多，要買指定商品先有折。要拎到最多優惠，最抵買抵玩，就上網睇定優惠詳情。我地幫大家搜集左3間港人成日去的店舖優惠：
-
〔韓國〕樂天免稅店
用普通銀聯卡有 95折；白金、鑽石卡85折，加埋另獲發樂天免稅店VIP卡，最高打個八折，女士們買護膚品、化妝品必定買到爆喼！
-
〔日本〕Bic Camera
遊客買滿¥10,001，可享8%退稅及銀聯卡的5%優惠，加埋日圓低水，感覺就像折上折！唔好以為Bic Camera只有家電、電子產品，大型店仲有酒類、藥房、玩具等，但並非每個部門都提供銀聯優惠！
-
〔日本〕東急Hands
