空姐教買行李箱5大秘訣：硬殼vs布質篋、要買深色篋

空姐教買行李箱5大注意事項

一名任職3年加拿大空姐Megan Homme，有飛超過300班航班的經驗，日前她在TikTok上分享買篋時要注意的5大事項，更強烈建議一定要買深色篋！

注意事項01｜要揀深色篋

Megan分享一定要揀深色篋，因為行李箱放在低層的話會有很多刮痕，淺色篋的話， 刮花的痕跡會很明顯，所以建議揀深色。

注意事項02｜4輪好過2輪

Megan指4輪的行李箱會好過2輪，因為行李箱太重又用2輪的話會好辛苦。

注意事項03｜可擴展行李箱啱哂購物狂

在旅行途中，大家有可能會不小心買了很多東西，所以可擴張的行李箱就唔驚無位放戰利品。

注意事項04｜行李箱夠用就得

Megan就話行李箱就用就得，不需要買最貴、最高級的。

注意事項05｜硬殼VS布質行李箱

到底硬殼同布質的篋邊一款比較好？空姐有以下分析。

行李箱迷思1. 硬殼真的較實淨？

自己就是一個活生生例子，行李箱被託運後，遭到粗魯對待，到埗後，成個轆差唔多甩晒出嚟，所以硬殼都未必真的好用。不過硬殼都有好處，就係唔驚其他人篋入面的東西滲出來，會沾污自己的行李。

個人會認為硬殼行李箱比較重，去旅行上上落落會較吃力。如果一定要買硬身的，我推介Rimowa嘅Air系列，出名輕身，又撞唔爛。

自己無用過，身邊不少空姐空少，甚至機師都係揀呢款，佢哋話，真係好好推同埋硬喼嚟講，算輕身！呢個牌子係德國製，去德國買比喺香港買，便宜3-4成，所以我去親德國，都會收到好多朋友落order！

行李箱迷思2. 布質會遭人割開？

個人比較喜歡布質的行李箱，因為大多款式都可以用拉鏈擴充厚度，不論返工定旅遊，買多咗嘢都唔怕，尤其我大部分情況只用20吋喼！

有聽說過用布喼容易被人偷嘢，個人看法，就是不論用甚麼行李箱，都不要放太多貴重物品寄艙。大部分布質的也較輕身，我自己用過頗多品牌的軟喼，對Samsonite的印象不錯，至少它陪伴我遊歷完大半年後，還一樣的好用！

行李箱尺寸推薦：行程內容決定行李箱尺寸

大部分時間，我其實都是用我的小黑走天涯，身高20吋，4個轆，很輕身實淨，手柄位很實在，不會有「鬆飄飄」就甩的感覺。原因是我懶得換行李箱，加上覺得一個小黑夠我去一趟如台灣等東南亞城市。

以下教你用幾多吋喼的方法，我會覺得不夠個人化。誇張一點的例子，明星去登台出show，就算只是一兩天，可能寄艙好幾個大喼，原因是他/她有很多服裝等。

以我自己為例，我也喜歡購物，不過我有自家一套行李打包術，所以我去過咁多地方，也從未試過失手，行李超重。有機會我會再分享一下我是如何打包的。

情景1： 出差/行程中沒購物/目的地冇嘢買

如果只是出差1-2日，行李比較少，可以帶20吋嘅行李箱，以便帶埋上機，不用託運行李咁麻煩；就算是3-4日去鄰近國家嘅行程，特別是夏天，也可以試試看！

情景2： 5 日以上的旅行

外遊5日以上要帶嘅行李，特別是衣物，都比較多！如果到當地會購物，就需要較大尺寸的行李箱！記得要留意航空公司託運行李嘅規定，唔好塞爆喼搞到超重啊！

情景3：留學/長期居留

長期居留？就更需要揀選放入行李的物品喇！因為帶嘅行李箱愈大，你就會不自覺帶好多物品去，所以要諗清楚邊啲一定要帶、邊啲去到再買過都得。

個人建議是，如果目的地都係發達國家，大部分香港有嘅嘢，嗰度都可以買到，可以唔使帶。又或者，先寄一部分物品到目的地，減少行李的重量！

總結如下：