賺錢遊世界係每個打工仔嘅夢想，但係出去旅行樣樣都係洗費，慳到少少錢已經偷笑。但係，原來有13個方法可以免費旅行之餘，甚至可以 旅行賺錢 ，睇下你有冇膽去試。
01 | 做導遊
帶隊走勻名勝古蹟，行遍大街小巷，做得好的話，額外有小費，寓工作於娛樂。不過，導遊工作不定時，人工不穩定，既要有耐性應付旅客的各種要求，亦要有組織能力，可以醒目處理突發事情，你接唔接受到呢啲挑戰？
難度：★☆☆☆☆
上手：★★★★☆
賺錢：★★★☆☆
02 | 教中文 / 英文
如果你想去異國生活，亞洲、中東和拉丁美洲有不少國家招聘語文老師，即使英語並非母語亦可，近年教授中文亦有市場（可惜前提是要教授殘體中文），例如在日本的年薪教授英語便可高達28萬，不過最好有英語教學TEFL證書，自問英語了得的你，不妨去試試。
難度：★★★★☆
上手：★★☆☆☆
賺錢：★★★★★
03 | 做空中服務員
如果不介意不定時工作，忍受客人的留難及時差，做「空姐」、「空少」可周圍飛，親屬又可享機票優惠，年薪達20萬至40萬，人工高福利好，難怪人人爭住做。
難度：★★★☆☆
上手：★★★★☆
賺錢：★★★★☆
04 | 豪華遊輪工作
在遊輪上工作，隨團四圍去，員工兼享船上休閒娛樂服務，只要你唔介意收少不高，以及長時間困在船上。
難度：★★☆☆☆
上手：★★★★☆
賺錢：★★★☆☆
05 | 旅遊變專業、入貨開網店
想搵筆錢旅行，不一定要打工，可以試下將旅遊變成專業，只要你有觸覺，能夠將當地特色特產品、漂亮手作轉售圖利，賺錢之餘又可旅行，但要留意當地海關的規定，否則變成「執番梘」就弊，記得做好準備及儲定資金！
難度：★☆☆☆☆
上手：★★★★☆
賺錢：★★★☆☆
下一頁：揸枝筆旅遊搵食，邊樣易上手？
06 | 做旅遊記者
做記者兼可以讓你周遊列國，深入了解當地的文化歷史和衣食住行，但你要面對大量資料、長時間工作、趕稿壓力，最後發現旅程並非「歎世界」、而是「捱世界」！
難度：★★★★☆
上手：★★★★☆
賺錢：★★★☆☆
07 | 做婚禮攝影師
作為婚禮攝影師可以受薪周遊列國，跟隨新人去風景優美的地方，大前提是你要有專業攝影工具、網頁及攝影才華，鐘意影相的人可以考慮下。
難度：★★★★☆
上手：★★★★☆
賺錢：★★★☆☆
08 | 做旅遊Blogger
旅遊 Blogger 很易做，在博客網開個戶口，或 Facebook開個專頁就得，但要做到專業有錢賺一D都不易，內容要夠專業，又要識宣傳，少點熱誠和毅力都捱不下去。
難度：★☆☆☆☆
上手：★★★★☆
賺錢：★★☆☆☆
09 | 參與 WWOOF 換宿計劃
WWOOF計劃讓志願者在農場每天工作數小時，換取免費住宿，甚至包三餐，旨在給予志願者接觸鄉郊，推動有機耕作，工餘時間，可以周圍玩。當然，這計劃不能讓你賺錢，但可省下食宿費用，夠哂彈性。
難度：★☆☆☆☆
上手：★☆☆☆☆
賺錢：★☆☆☆☆
10 | 打工換宿
呢個方法好多人都知，例如網站HelpX搵吓世界各地的工作機會，除了農場工作，可以去青年旅舍做嘢，五花八門任你揀。
難度：★☆☆☆☆
上手：★☆☆☆☆
賺錢：★★☆☆☆
11 | 做Au Pair 互惠生
Au Pair是互惠生計劃，呢種打工換宿方法適合剛畢業的年青人，外國家庭聘請外地學生留宿，打理家頭細務，陪伴小孩，讓小孩有機會接觸外國文化，賺到零用錢就可以去玩啦！
難度：★☆☆☆☆
上手：★☆☆☆☆
賺錢：★★☆☆☆
12 | 慈善團體做義工
香港有D慈善團體不定期會舉辦活動，邀請義工去發展中國家做義工，有興趣的話，可以自行搜尋相關資料。
難度：★☆☆☆☆
上手：★☆☆☆☆
賺錢：★☆☆☆☆
13 | 出旅遊書
將自己的旅遊經歷寫成書，搵出版社發行，當然大部分的作家最終都賺不到錢，如果你有足夠勇氣，以及自認寫野唔錯，話唔定可以靠寫書搵食，夠哂自由啦。
難度：★★★★☆
上手：★★★★★
賺錢：★☆☆☆☆
