機上的免稅品會便宜一點
上天落地，同貨唔同價，好多時啲客會問：一樣係免稅品，點解機上買會平啲？其實因為商品一旦落地，就有落地稅．所以就算在DFS買都比機上貴啲。有聽過長榮買台灣Kavalan威士忌，比機場 Duty free 平 15%！而且好多航空公司都有預先訂購服務，通常有九折，加上信用卡、買一送一、會員等優惠，隨時比街買平兩成！有次有個客跟我分享，説她在上機前已在機埸duty free店血拼了，所以當看到機上的duty free更便宜時，激到話要同機場duty free店投訴！
機上限定貨品
除了便宜一點外，機上還有限定的產品．例如芬蘭航空有Marimekko水壺、Designer’s chair。而我最推介大家的，一定是護膚同化妝品，一來有旅行裝，二來有好多特別版，好似泰航賣嘅 6 支裝袖珍版Jo Malone 香水，同OPI 甲油的舊金山系列特別版，專櫃都無！而每間航空公司都會推出自己公司的產品，航空迷勿錯過！
數量有限，手快有手慢無！
產品在機上貨量很少，熱賣貨可能也不超過 5 件，不算熱門的，可能就只得一件！所以搭飛機時，見到想買的心水貨，就別猶豫了！我有試過見到兩個陸客，為了某L韓牌的睡眠面膜孖裝大打出手，因為只剩最後一件，那時機上做優惠，她們瘋狂地想搶我手上的貨！真的嚇死寶寶了！除此之外，因為每次貨品都由香港上，所以如果你搭的是回程機，小心心儀商品早已在去程被掃光了！因為又有一次，做turnaround時，有客人勁開心揮手叫我，手上拿著銀紙，說要買duty free，說是在去程時已經睇中，不過怕行李重，打算回程才買。點知，我幫她check stock時發現，貨品已經沒有存貨了！真是聰明反被聰明誤！
利申：我不是sales team
集油空姐：
歡迎科勞我面書：https://www.facebook.com/facrewcollection/
唔爭在科勞埋我哎豬：https://www.instagram.com/fabeauty_sharing/
下一頁：機上不可拿走的 5 件物品
