（原文刊於《經濟一週》網頁》
政治擔憂 旅居台灣作後路？！
一個關於「移民台灣」的調查顯示，近年申請居台的港澳人士暴增（但真正移民到台灣的數字與十年前相若，只多一百人） 。申請居台以40歲以上有經濟能力人士為主，心態傾向對政治擔憂，留定後路。
樓主呻生活苦困：「返工為乜？」
節錄：返工為乜？一日三餐、畀租、養家，喺香港呢個地方可以話係冇享受、冇生活、冇文化、冇特色、冇理想。有多餘錢啲人都去旅行，費事留喺香港。香港辛苦搵錢，然後被地產霸權食晒，你睇嗰幾個李生點解可以咁發達就知，香港富豪有幾多個地產佬，數下就知。租金物價愈來愈貴，但質素、服務愈來愈差，搞到冇啖好食。行街唔係金舖、藥房、化妝品店，就係冇嘢睇嘅垃圾商場。
「搵夠就走！」－－何謂「夠」？
有網民同意樓主想法，指自己之前去過德國鄉村旅行，形容那裡有如陶淵明筆下的桃花源，如果賺夠6,000萬就遷移去過世。
但有網民認為應先定義何謂「搵夠」。亦有人想移民，但不夠錢，認同樓主所講嘅香港人多車多地方細，放假不知可以去哪裡。
日本傳媒街訪香港人：不幸福20字真言
今年4月，有日本電視節目來港街訪本地市民：「點解咁愁？」外國人眼中富裕又先進的香港， 現實卻是「樓貴、人工追不上物價、民主退步、對將來沒有希望……」 20 字道盡了香港人幸福排名跌至 68 的原因……
移民新西蘭 夢想拓荒寧願做牛
今年6月初，GOtrip報道新西蘭招募移民簡訊，迅速獲得近8,300網民讚好tag朋友、1,700多個分享，雖然當中有「清醒網友」指出「南部係好鄉下地區，所有大城市都喺北部」，直指計劃有如「南荒島嶼開拓計劃」； 但亦有人表示：「去做牛都好過留在香港。」
「移民」與「旅行」不同，未必個個適合！
不過，亦有人覺得香港雖然環境不算最好，但不至於差到樓主形容的地步。因為香港地同聲同氣，而移民到其他地方，會自動成為二等或三等公民，當地人不歡迎外地人。而香港很多東西都齊全，自己不捨得離開。
另外，有在外地生活過的網友認為，很多人混淆了旅行與移民，建議不要因為去過幾次旅行就以為外國一定好。曾經長住外國的人會有不一樣的感覺，反觀今日的香港不算太差。
其實移民與否很講個人觀念，未必人人適合，雖說不少人感覺「隔籬飯香」，但以前在港建立的一切要重頭來過，新生活步伐又要再協調，要有得便有捨，所以想將心動化為行動前，一定要做足資料搜集，各方衡量過先做決定啊！
下一頁：關於旅居台灣的6個小貼士