最近發現新開勵庭海景酒店中珀克餐廳的自助晚餐竟然只係 $258，計埋加一都係三百蚊有交易，以晚市自助餐黎講真係算抵食！不過一向「價錢反映現實」，會唔會中伏呢？admin今次冒住可能會無啖好食的風險，先幫大家去探探路啦！
雖然有預計過食物款式一定會比較少，但估唔到真係少得離譜！海鮮刺身絕不能稱之為一區，因為事實上只係得一張枱，款式亦是有5款（其中2款是不同產地青口…），真係揀唔落手喎，好彩尚算新鮮，味道都合格，如果唔係真係會嬲嬲豬囉！
羊架不會太騷又有炭香，烤得剛剛好不會韌。中式湯亦有驚喜，每晚不同款不過用料足，飲完個身暖笠笠！
甜品失望？好彩仲有個Chocolate Fountain！
走到前菜區，見到普通芽菜都竟然當成一個菜式，真係嚇了一跳！本來對甜品已經無咩期望，好彩仲有個Chocolate Fountain，蜜瓜棉花糖任食，還算合格吧！
其他蛋糕亦有可愛造型，雖然味道普通，但誠意搭救吧！水果區驚見香蕉同柑仔連「皮」上…真係考驗大家剝皮技巧啦！
總評：尚算物超所值！
因為本身無咩期望，所以沒有失望，不過建議可加多幾款海鮮刺身，而熟食味道唔錯，算是有驚喜！整體來說尚算合格，以激抵價嘆buffet，其實容易回本又非常物超所值！
27/1更新：記者打去問過，新年期間7－14號仍然有位。
由於酒店仍未有新年期間價錢，有待更新；現時價格為成人HK$ 258、小童HK$ 148
評分
水準：★★★☆☆
種類：★★★☆☆
環境：★★★☆☆
服務：★★★★☆
價錢：★★★★★
勵庭海景酒店珀克餐廳自助餐
地址：澳門新口岸孫逸仙大馬路澳門漁人碼頭勵庭海景酒店
電話：+853-8799-6606
時段：6:30pm-10:30pm
收費：成人HK$ 258、小童HK$ 148
備註：另收10%服務費
