資料來源：ViuTV
19個關於機師謬誤
傳聞1 ： 有近視就唔可以做機師？
機師答你：只要你戴眼鏡可以將視力變正常就做得。
科技進步，人的近視都增加，仲咁死板要冇近視先做得機師，我估都好快變做夕陽行業。所以好多公司已經可以畀戴眼鏡同隱形眼鏡！當然為保障大家安全，咁機師都會帶定後備。
傳聞2 ：蘭桂坊追女話咁易？
機師答你：唔係囉！女仔會覺得你成日去追女！
原來機師光環並不適用於所有女性，有女子會覺得飛機師等同花心代表，因而拒絕交往！香港追女不成，以為飛到其他國家就有不同國籍的專用女友等你？這些機會不是屬於真・機師的！傳說中的女友是假的，自己坐在酒吧玩手指才是真的。
傳聞3：高薪厚職？
機師答你：要到機長級先係高薪。
初入職的機師薪金大約係4萬，以為機師好好搵？其實係劇集美化，真正賺得多要做到機長先底薪有15萬。
傳聞4 ： 機師唔可以得罪空姐？
機師答你：得罪空姐就會飲「絲襪奶茶」、食抹過枱的麵包同口水牛排。
如機師入職幾年得罪經驗豐富的空中服務員，就真係會冇啖好食！女機師會好少少待遇，但一得罪空姐，最世界都會知你係邊個！你話驚唔驚？
傳聞5 ：最佳配搭-機師配空姐？
機師答你：機會反而少，成程機見到嘅人都係兩至三個。
通常空中服務員之間擦出火花會比機師多，因為全程機都唔會見到，但有時你特別對某空姐好，空姐唔受咪會抹黑你。都係嗰句，點敢得罪空姐？
傳聞6 ：兩隻食指碰到測試先可以考機師？
機師答你：我沒有考核過這類測試！
四位機師即場閉起雙眼示範兩隻食指平衡碰到，但只有一名成功！但都做到機師？因為係流料。
傳聞7：機師離婚次數特別多？
機師答你：工作時間唔穩定，都見唔到另一半。
多數工作時間由公司安排，每月要飛80小時。有時工作時間唔穩定，都唔多時間可以陪伴另一半，所以就會成日離婚。不過都係外國機師比較多。就算另一半係空姐，但更都唔係你話事，拍拖更？都好難成日有。
傳聞8： 降機好壞係判斷機師的技術？
機師答你：其實都係睇邊隻飛機，有啲降機會好搖晃、有啲好穩。
多數飛行大家都會好期待起飛的離心力同降機可以睇到機師技術有幾勁，但原來人手定自動都係睇咩型號嘅飛機㗎！當然，真係好技術的，相信機師可以唔使理本身係咩型號。
傳聞9 ：飛機全自動模式飛行，機師咪唔使做？
機師答你：起飛一定係人手操作同平時都要避氣流。
電腦設定的路線係唔識自己避惡劣天氣、避開雲層，再留意不同機場的天氣。因為當天氣太不穩定就需要轉飛。
傳聞10 ： 閃電打落飛機會好危險？
機師答你：閃電擊中飛機的機會好小。
因為機翼有放靜電的東西，然後把電傳到機尾。機尾是有一條條凸出的東西，當有電的時候，它便會有放電的作用。
傳聞11：新空管冇用？
機師答你：真係冇咩用，何況佢壞唔壞影響唔算太大，因為都係靠飛機上的防撞系統提示。
新空管失靈多多，機師都唔理佢有冇用！靠防撞系統仲好，因為可以直接同其他飛機溝通。
傳聞12：如果遇到強勁氣流，最重要係啪咩掣？
機師答你：就係安全帶的指示燈。
安全帶的重要性！機師仲講有啲氣流係 check 唔到。大家最好都長期扣住，包冇死！
傳聞13：機師可以反鎖駕駛艙？
機師答你：自從911 事件後，駕駛艙一定要關門，而且仲可以反鎖門。
唔講唔知，原來以前係可以睇到駕駛艙入面係做啲咩！但911後，除了要關門，仲加有電子鎖同反鎖，以保障人劫機。而且門仲係防彈。
傳聞14：機師有殺人的能力？
機師答你：除了反鎖駕駛艙撞機，仲可以加壓，令大家缺氧而死。
雖然坐咁多次，都未必會諗機師會殺自己，但聽完都幾驚下！驚又有咩用，因為喺飛機上，都只可以信任機師，唔係可以點喎？
傳聞15 ：駕駛艙是全飛機最乾淨的地方？
機師答你：唔係！反而係最污穢！
機艙有咁多按鈕，點會有人敢行入去清潔！最多係喺門口吸兩下塵就會走！最誇張係按鈕之間有好厚嘅塵都冇人打理。機師怕蟑螂，真係第一時間係保持鎮定。
傳聞16：機師餐同頭等餐一樣？
機師答你：一定差過頭等餐，仲要冇枱食，要放喺大腿。
唔好睇機師喺飛機上一定高人一等，因為佢哋連枱都冇。不過頭等餐的吸引力真係好勁，所以曾經有 old seafood 會同空姐嘈交話要食牛扒。平時機師就真係唔敢要，一陣落機喺 group 見到自己個名咪死！
傳聞17：十個機師，有一個有抑鬱症，其實點check 機師精神狀況？
機師答你：入職之後，唔會再 check！反而係靠群組！
機師作息不定時，都真係容易有精神問題！但原來唔會定期 check ，不過一有發現，就要通過多次的測驗先可以再做機師。結論都係幾得人驚，各位機師、空姐及空少要幫大家多加留意下其他人。
傳聞18：飛行途中，機師最怕失火？
機師答你：最怕同機的機師不說話！
當然失火同失去信號都係最怕，但發生機會唔多！所以機師最怕拍檔好靜，令到全程機好悶！
傳聞19 ：咩機師先會着長袖制服？
機師答你：Old seafood (老油條)！
通常機師會着短袖，但 old seafood 因為以前可能係空軍，會着全套的軍裝。
