最鍾意自拍畀「peace」V字手勢的日本妹末日到啦！據日本新聞網站報道，好多人都鍾意自拍影相放上網，當中不少照片都清楚見到樣貌之餘，更有不少人愛擺出V字手勢，洩漏了指紋這重要的個人情報。以現行科技及3D打印技術，網絡罪犯只要一張相片就可以輕易 盜取指紋 ！
3米遠偷影V字手勢都能 盜取指紋
總有人會無知地問， 盜取指紋 用來做咩？ 閣下iPhone的Touch ID就有指紋識別系統，身分證及護照也有使用生物識別/人臉和指紋識別技術。由於每個人的指紋是獨一無二，終身不變，被人盜用可是相當麻煩！ 別以為網上罪犯先識用，之前美國有個6歲的小朋友，趁阿媽瞓覺，偷偷用指紋解鎖在Amazon買咗大量Pokemon玩具。睇你以後仲敢唔敢好似過氣成龍咁影相時擺V字手勢！
男生票選出最心動的女性自拍pose
我不是model，唔擺 V字手勢 影相，動作硬如石頭，雙手唔知點擺？大家可參考之前日本網站，分別找了500名10-20代男生，票選出最讓男生心動的女性自拍pose， V字手勢 完全在榜內冇影，「無辜高抄自拍咬飲管」才讓男生心心眼，緊接的係「牙痛mode」、「單手遮眼」和「萌萌貓爪」pose，正呀，好放心，全部都冇影到手指上的指紋呀！
AKB小嶋陽菜的心心手勢，一樣把指紋公諸於世，建議大家upload前可用修圖apps加filter或捽矇佢。
小惡魔石原里美自拍pose大把貨，好值得大家參考。
混血女星Rola的自拍小萌樣，一般人都做到！
桐谷美鈴和ピコ 太郎呢個pose依家好hit！
