作為一個滑梯愛好者同一個日本住人，今次想同大家簡介一下關西內嘅免費滾軸滑梯熱點，好玩而且各有特色，送上 4 大好玩推介！

01 | 大阪浜寺公園

由難波搭南海特急去到堺再轉普通去浜寺，再行 5 分鐘就到公園！有香港家長特意帶小朋友去玩滑梯，感覺是：「日本人不論大人小朋友都真係好守秩序，地方又乾淨！第一次去玩日本嘅遊樂場真係好特別好有趣，好可惜太少時間否則一定可以盡慶！」

02 | 千里中央公園 冒険の森

位於大阪府千里中央公園內，滑梯全長150M，最特別係於中段設置分叉點可中途退出。

滑咗幾下唔想滑，pat pat向右邊扭就可以離開。（照片提供：子供とお出かけ関西楽しい遊び場）

即睇有好玩：

（影片來源：子供とお出かけ関西楽しい遊び場）

公園地址：大阪府豊中市新千里東町3丁目8
前往方法：電鐡北大阪急行「千里中央」站下車向東徒歩15分

03 | 北播磨余暇村公園 妙見スカイローラー

堪稱關西最長之滾軸滑梯，全長253M，每次從滑梯滑下必先攀上山上…..

睇呢位姐姐玩得幾開心（照片來源：www.gasshukumenkyo.jp）

中段同樣有分差，想縮沙都仲有機。（照片來源：okadatoshi）

即睇有好玩：

（影片來源：maplePAPA）

公園地址：兵庫県多可郡多可町中区牧野817-41
前往方法：乘JR加古川線於西脇市站下車、轉乘神姫巴士往西脇営業所方向，於鍛冶屋站下車徒歩約30分

04 | 鴻ノ巣山運動公園

位於京都府城陽市之滾軸滑梯，全長140M，特色係整條滑梯貫穿園內草地，可一邊滑下一邊欣賞園內美景。

而且公園仲有提供滑梯用坐墊，唔使自己準備，隨時想玩就玩到啦！

（照片來源：びばこ）

即睇有好玩：

（影片來源：けけ・もと）

公園地址: 京都府城陽市寺田奥山1
前往方法：JR奈良線「城陽」站下車，轉乘｢プラムイン城陽｣方向之巴士於鴻ノ巣山運動公園站下車

同場加映： 「わんぱく王国」

位於大阪府阪南市，全長200M之滾軸滑梯，滑梯終點設有恐龍口吞噬玩家並發出吼聲。

睇埋玩家點俾恐龍吞噬：

（影片來源：gakugakus381）

公園地址：大阪府阪南市山中渓119-8
前往方法：JR阪和線「山中渓」站下車即到
開放時間：9:00～16:30(逢星期三休息)

提醒各位，溜滑梯前記得準備兩塊紙皮墊上pat pat先好滑下，否則未完成全程已叫救命!

Facebook：日本住人港喱啲

最新的日本入境要求詳情？

在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。

大阪有什麼好去處及景點推介？

大阪自由行必去這些景點，當中包括USJ大阪環球影城，即睇USJ門票及交通攻略。然而，去旅行怎可忽視美食部分？必到這些人氣美食餐廳，當中更有蟹宴放題、平價米芝蓮餐廳之選。另外，不得不到溫泉旅館/按摩店、溫泉主題樂園、全新門真大型三井Outlet商場及臨空城OUTLET。準備到日本賞櫻花的大家，可預先一看日本櫻花花期預測。