話其實只說對了一半！旅遊記者這一行，除了「冇得頂」的經歷，要數「有得頂」的場合，也不少的：頭暈身㷫、水土不服十常八九，更何況今次要談的是「撞邪經歷」。那天同事們說起出差怪異集，發現大家的「撞邪事故」竟是如此的跨地域兼無國界，當中又以多宗酒店奇談最為驚心。旅遊記者的外遊怪談，件件親身體驗，愈傳愈講愈驚心，反正已在業界流傳多時，就趁今年破禁跟大家分享⋯⋯
撰文：GOtrip編輯部｜圖片來源：unsplash、電影劇照
旅遊記者7個出差奇遇記
個案1 .爬牆過室 – 日本
記者Ms.T：「有次跟一班行家去日本東北出差，看過煙花浸過溫泉，悶得發慌沒節目，大家就返房瞓，我跟另一雜誌記者共用一個榻榻米房間。到半夜對方忽然叫我起身關窗，初時以為佢凍，想不到事後她驚到走音地同我講：『頭先有個梳了古裝頭、穿和服的男人，在窗口外好似四腳蛇咁爬過，仲望入房咧嘴而笑⋯⋯』佢自己驚到郁唔到，竟然叫我起身搞掂佢！」
個案2. 無臉新娘 – 關島
記者Mr.Q：「有次我去採訪十分例 牌的關島婚紗活動，回來睇相，發現其中一幅相，新娘塊面竟然係冇眼耳口鼻！無論圖片zoom得多大，都望唔見新娘臉上的五官，連少少輪廓都冇，好平！我到而家都唔敢寄番張相畀當事人！」
個案3.不速之嚇 – 新加坡
記者Ms.F：「多年前去新加坡做消暑特集，跟 model 分別入住兩間相連的connection room。到半夜，隔壁房有人不斷敲門，十分鐘後才聽見model開門跟對方講了幾句，然後就傳來關門聲。
「第二朝我問 model 發生乜事，原來佢話當時有個穿白衫的長髮少女蹲在對面房門前問：『我可唔可以入來坐？』幸好當時model半夢半醒未識驚，迷迷糊糊拒絕後就撲回床上再瞓。
「但其實當晚她關門以後，我仍然聽見門外有細碎的說話聲，一直吟噚到天光！」
個案4.滾動民宿 – 台南
記者Ms.S：「出差怪事未試過， 不過早年有次自己放假去旅行，入 住台南的舊式民宿好驚心。入到洗手間，見到好多啡色手掌印橫掃廁所幅牆，屋主話係拍蚊時留低的，我唔知信唔信好！」
個案5.記得熄燈 – 馬來西亞
攝記Ms.M：「有晚在酒店開住燈瞓， 中途扎醒，但個人好似窒息唔郁得，睜開眼望唔見異樣，但就覺得有無影腳圍住我個枕頭踩咗個圈，跟住房燈同廁所燈就自動熄晒！嚇到我即刻換酒店！」
個案6.尾房心慌慌 – 拉斯維加斯
記者Mr.W：「有年去拉斯維加斯，因溝通問題，接待的老牌酒店竟沒有預留房間給model，結果臨時安排了一間單人 房。Model入住後，卻一日比一日神不守舍、甫士生硬、上鏡冇表情；到後來搬離酒店，model才自爆之前幾晚廁所燈和電視機無故自動開關；明明係尾房，每晚門口卻不斷有腳步聲穿梭⋯⋯
「捱了三天 後，個人已經帶點呆，結果在旅程後半部，更主動要求跟我和攝影師兩個男人同房， 寧願加床瞓梳化，都唔肯自己返房瞓，相信她是真心驚的！」
個案7.怨念木偶 – 歐洲
記者Mr.K ：「年初去威尼斯，採訪後獲贈一個12吋高綠色『花仙子』木偶，返港後，我將木偶掛在公司，之後身邊同事就不斷遇上怪事：鄰座同事的手機無端失蹤、對面同事的電腦鍵盤半夜自動打字（I.T.部都解釋唔到）、家中打稿的同事回來後發現檔案離奇消失、集體叫外賣3小時又未送到（茶餐廳亦都解釋唔到）⋯⋯最慘係我部手提電腦無故跌爆，要入廠維修千幾銀！」
最後我決定將木偶封印於垃圾桶，之後一天光晒，怪事再沒發生了！
