去暢遊歐洲，要睇實個荷包！歐洲治安其實一般，特別係法國，真係令我大開眼界！今次特別分享去法國遇上唔同「黨派」嘅事，先送上 巴黎遇劫 實錄 ，等大家去法國/其他歐洲地區有所警惕！
原文：小眼睛女孩去旅行
返酒店期間 強搶銀包/手機/單反相機…
搶劫其實並唔常發生係你眼前，但係真真確確發生喺我眼前：
話說嗰陣係坐大巴返酒店（我住Paris Holiday Inn），我係坐偏後既人，所以唔會早落車，前面有個叔叔，頸部掛住個單反、帶住個女；男導遊一早落咗車，喺下面扶下老人家/小朋友落車。當時係夜晚 9 點幾左右，除酒店之外就無咩光，好暗；草叢旁邊就有 2 個黑人，等單反叔叔落咗車之後就衝上前，一個拖單反、一個扯背囊，將單反叔叔監生拉出馬路，導遊即刻喝住個 2 個黑人，連埋另一個男士齊齊拉住單反叔叔！
最後 2 個黑人事敗走咗去，單反叔叔就扯傷咗隻手，好在無咩事，而單反同背囊仲喺度！
賊人潛伏 趁天黑出動！
等到我落車，聽返來龍去脈，真係覺得好驚，因為咫尺之間就發生咗呢啲事！
事後導遊講返，原來佢落車時，一早見到 2 個黑人喺草叢度拉筋！
不是歧視，但因為佢哋有「保護色」， 唔認真望真係唔覺！所以有經驗嘅導遊，一早已經有所警惕，才保護到單反叔叔！記得嗰晚喺大堂都幾多人，而且security喺晒大堂，明明係酒店門口，都可以明目張膽搶劫，真係好瘋狂！得 1 – 2 個人嘅話，真係唔知點算好！
當晚上房，都好驚，在corridor行走期間不斷望左望右，好驚有人彈出嚟！所以帶住大部嘅相機，一定要小心。日光日白就應該唔會咁猖狂，夜晚一定要一眼關七！