上文提要：巴黎除咗會遇到小偷光明正大咁搶，仲會扮晒嘢咁埋你身。（賣畫/戒指黨/手機黨/問卷黨……借故埋身乜都有！）
原文：小眼睛女孩去旅
03 | 艾菲爾鐵塔前古怪的人
去巴黎，一定會去艾菲爾鐵塔留下倩影，但係總會有人喺你影緊相嗰陣埋你身，懶係熱情搭你膊頭同你影相。有啲會趁機偷嘢，有啲係戴住白色面具，著黑長衫嘅人，唔想喺 巴黎遇劫 就要小心！嗰陣我就遇到戴面具嘅，佢行埋嚟，我即刻彈開！嚇死人！
最後，財物梗係唔好隨意擺喺草地上，影相唔方便都係咁話！
04 | 小偷雲集羅浮宮
羅浮宮入面啲小偷多到你唔信！
那天行緊去羅浮宮咋，就有個人孭住CHANEL袋被個黑人啪開咗個扣，好彩偷唔到嘢！人多又雜，真係要捉實個袋！入到羅浮宮，蒙娜麗莎嗰度水洩不通咁滯，遇到個security就吹咗陣水，佢話今日捉小偷捉到冇停手 (我暑假 8 月去)！通常啲小偷呢頭捉完，嗰頭就會放走，因為太多。嗰排聽聞小偷多到法國警察罷工，因為捉極都捉唔晒！治安差都有原因嘅，但係真係極危險。
仲有小偷會扮攞住地圖嘅遊客，有啲係阿媽帶住個細路一齊偷嘢，嗰陣有當地導遊帶住，真係講到幾多點鐘個位有個小偷準備落手，超厲害！所以真係要打醒十二分精神！好彩最後都冇穿冇爛……同樣，梵爾賽宮都係咁。
自保貼士：
想保險啲，最好買個腰包袋住啲錢！我嗰陣係綁於腰間，再用條褲包住佢，搵衫遮住。盡量唔好 show 名牌袋呀、戰利品，小偷知Asian都係會帶好多錢，特別係 Chinese (聽當地人講，唔知佢哋點分啦) 。嗰陣孭住 CHANEL 袋個女人唔識驚，2大袋 HERMES 大搖大擺喺條街度行，搞到啲外國女士係咁wow 嗌住：「HERMES！ Woah！」 想唔做目標都難啦！
去旅行最緊要安全，小心謹慎為上就得喇！希望對將會去巴黎嘅你有幫助:)
PS：嗰日啱啱到巴黎，就話有個中國團成車被人劫晒啲錢同passport ，嚇到個心離一離！下次分享我喺德國柏林嘅經歷！